ପୁଣି ବର୍ଷା, ପାକିସ୍ତାନ ବ୍ୟାଟିଂରେ ବାଧା

କଲମ୍ବୋ: ରିଜର୍ଭ ଡେ’ରେ ଖେଳାଯାଉଛି ଭାରତ-ପାକିସ୍ତାନ ମ୍ୟାଚ୍ । ରବିବାର ମ୍ୟାଚ ଅନୁଷ୍ଠିତ ହୋଇଥିବାବେଳେ ବର୍ଷା ବାଧକ ସାଜିଥିଲା । ସୋମବାର ମଧ୍ୟ ବର୍ଷା ପାଇଁ ବିଳମ୍ବରେ ଖେଳ ଆରମ୍ଭ ହୋଇଥିଲା । ତେବେ ଭାରତ ୫୦ ଓଭର ଖେଳି ୨ ଓ୍ବିକେଟ ବିନିମୟରେ ୩୫୬ ରନ ସଂଗ୍ରହ କରିପାରିଛି । ଗିଲ ଏବଂ ରୋହିତ ଅର୍ଦ୍ଧଶତକୀୟ ପାଳି ଖେଳିଥିବାବେଳେ ରାହୁଲ ଏବଂ କୋହଲି ଶତକୀୟ ପାଳି ଖେଳିଛନ୍ତି । ତେବେ ୩୫୭ ରନର ଟାର୍ଗେଟକୁ ପିଛା କରିବାକୁ ଯାଇ ପାକିସ୍ତାନ ୨ ଓ୍ବିକେଟ ହରାଇଛି । ୧୧ ଓଭରରେ ୪୪ ରନ କରିଥିବାବେଳେ ବର୍ଷା ପାଇଁ ପୁଣିଥରେ ବ୍ରେକ୍ ହୋଇଛି । ମ୍ୟାଚ ଅଟକିବା ବେଳକୁ କ୍ରିଜରେ ମହମ୍ମଦ ରିଜଓ୍ବାନ ୧ ରନ ଓ ଫକର ଜମାନ ୧୪ ରନ କରି ଖେଳୁଛନ୍ତି ।