ଭାରତ ପାକିସ୍ତାନ ମ୍ୟାଚ୍ ବାତିଲ ହେଲେ କାହାକୁ ମିଳିବ ଫାଇଦା ?

ନନ୍ଦିଘୋଷ ବ୍ୟୁରୋ: ରିଜର୍ଭ ଡେରେ ଖେଳାଯିବାକୁ ଯାଉଛି ଭାରତ-ପାକିସ୍ତାନ ମ୍ୟାଚ । ସୋମବାର ଏହି ହାଇଭୋଲଟେଜ ମ୍ୟାଚ ଅନୁଷ୍ଠିତ ହେବ । ରବିବାର ଭାରତ ପ୍ରଥମ ବ୍ୟାଟିଂ କରିଥିବାବେଳେ ବର୍ଷା ବାଧକ ସାଜିଥିଲା । ବାକି ବାକି ସୋମବାର ଖେଳଯିବ । ସେପଟେ କିନ୍ତୁ ସୋମବାର ମଧ୍ୟ ବର୍ଷା ହେବାର ସମ୍ଭାବନା ରହିଛି । ଯଦି ପୁଣି ବର୍ଷା ହୁଏ ଏବଂ ମ୍ୟାଚ ବାତିଲ ହୁଏ ତାହେଲେ କଣ ହେବ?

ପାକିସ୍ତାନ ସୁପର-୪ ପର୍ଯ୍ୟାୟ ପ୍ରଥମ ମ୍ୟାଚ ବାଲାଂଦେଶ ବିପକ୍ଷରେ ବିଜୟ ହାସଲ କରିଥିବାବେଳେ ଭାରତ ବିପକ୍ଷରେ ନିଜର ଦ୍ବିତୀୟ ମ୍ୟାଚ ଖେଳୁଛି । ସୋମବାର ବର୍ଷା ହେବାର ୯୦ ପ୍ରତିଶତ ରହିଥିବାବେଳେ ଯଦି ମ୍ୟାଚ ଶେଷ ପର୍ଯ୍ୟାୟରେ ଖେଳାଯାଏ ତାହେଲେ ପାକିସ୍ତାନ ୨୦ ଓଭରରେ ୧୮୧ ରନର ବିଜୟ ଲକ୍ଷ୍ୟ ରହିବ । ସବୁଠାରୁ ବଡ଼ କଥା ହେଉଛି କି, ଯେଉଁଦଳ ହାରିବ ସେହି ଦଳ ଫାଇନାଲରେ ପହଞ୍ଚିବା କଷ୍ଟସାଧ୍ୟ ହୋଇଯିବ ।

ପାକିସ୍ତାନ ଏବଂ ଶ୍ରୀଲଙ୍କା ଗୋଟିଏ ଲେଖାଏଁ ମ୍ୟାଚ ଖେଳିଥିବାବେଳେ ୨ ପଏଣ୍ଟ ପାଇଛନ୍ତି । ଯଦି ଆଜି ଭାରତ ହାରିଯାଏ ତାହେଲେ ଫାଇନାଲକୁ ଯିବା କଷ୍ଟସାଧ୍ୟ ହୋଇଯିବ ।

କଲମ୍ବୋରେ ଏବେ ପ୍ରତିଦିନ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ରହିଛି । ଯଦି ସମସ୍ତ ମ୍ୟାଚ ବାତିଲ ହୁଏ ତାହେଲେ ପାକିସ୍ତାନ ୫ ପଏଣ୍ଟ ପାଇବ । ଶ୍ରୀଲଙ୍କା ୪ ପଏଣ୍ଟ ପାଇବ । ଏବଂ ଭାରତ ୩ ପଏଣ୍ଟ ପାଇବ । ସୁପର-୪ ପର୍ଯ୍ୟାୟରେ ପ୍ରତି ଦଳ ୩ଟି ଲେଖାଏଁ ମ୍ୟାଚ ଖେଳିବାକୁ ଥିବାବେଳେ ପାକିସ୍ତାନ ଏବଂ ଶ୍ରୀଲଙ୍କା ଗୋଟିଏ ଲେଖାଏଁ ମ୍ୟାଚ ଜିତି ସାରିଲେଣି । ଏଣୁ ଭାରତର ସମସ୍ତ ମ୍ୟାଚ ବାତିଲ ହେଲେ ୩ ପଏଣ୍ଟ ସହ ଫାଇନାଲ ଆଶା ହରାଇବାକୁ ପଡ଼ିବ । ଶ୍ରୀଲଙ୍କା ଏବଂ ପାକିସ୍ତାନ ଫାଇନାଲରେ ପ୍ରବେଶ କରିବେ ।