ଇଂଲଣ୍ଡ ବିରୋଧରେ ଭାରତର ବଡ଼ ସ୍କୋର, କୋହଲି ଖେଳିଲେ ବିସ୍ଫୋରକ ଇନିଂସ

ଅହମଦାବାଦ: ୫ ଟିକିଆ ସିରିଜର ଅନ୍ତିମ୍ ମ୍ୟାଚରେ ବିରାଟ ବାହିନୀର ଦମଦାର୍ ପ୍ରଦର୍ଶନ । ପ୍ରଥମେ ଟସ୍ ଜିତି ଭ୍ରମଣକାରୀ ଇଂଲଣ୍ଡ ଭାରତକୁ ବ୍ୟାଟିଂ ପାଇଁ ଆମନ୍ତ୍ରିତ କରିଥିଲା । ଯାହାର ଭରପୂର ଫାଇଦା ଉଠାଇଛି ଘରୋଇ ଦଳ । ଏଥିସହ ଇଂଲଣ୍ଡ ବିରୋଧରେ ଭାରତ ଟି-ଟ୍ୱେଣ୍ଟି ମ୍ୟାଚରେ ସର୍ବାଧିକ ରନ୍ କରିବାର ସୌଭାଗ୍ୟ ପାଇଛି । ନିର୍ଦ୍ଧାରିତ ୨୦ ଓଭରରେ ୨ ୱିକେଟ୍ ହରାଇ ଭାରତ କରିଛି ୨୨୪ ରନ୍ ।

ଭାରତ ପକ୍ଷରୁ ଅଧିନାୟକ ବିରାଟ କୋହଲି ୫୨ ବଲରେ ୮୦ ରନର ଅପରାଜିତ ଇନିଂସ ଖେଳିଛନ୍ତି । ରୋହିତ ଶର୍ମା ୩୪ଟି ବଲରେ ୫ଟି ଚୌକା, ୪ଟି ଛକା ସହ ୬୪ ରନ୍ କରିଥିବା ବେଳେ ଷ୍ଟୋକ୍ସଙ୍କ ବଲରେ ବୋଲ୍ଡ ହୋଇଥିଲେ । ସୂର୍ଯ୍ୟକୁମାର ଯାଦବ ୧୭ ବଲରେ ୩୨ ରନ୍ କରି ଆଉଟ ହୋଇଥିବା ବେଳେ ୧୭ ବଲରେ ୩୯ ରନର ଇନିଂସ ଖେଳିଛନ୍ତି ହାର୍ଦ୍ଦିକ ପାଣ୍ଡ୍ୟା ।

୨୨୫ ରନର ବିଜୟ ଲକ୍ଷ୍ୟକୁ ପିଛା କରି ଇଂଲଣ୍ଡ ବ୍ୟାଟିଂ ଆରମ୍ଭ କରିଛି । ୫ ଟିକିଆ ଟି-ଟ୍ୱେଣ୍ଟି ସିରିଜ୍ ୨-୨ରେ ବରାବର ଥିବାବେଳେ ଆଜିର ମ୍ୟାଚ୍ ନିର୍ଣ୍ଣୟ କରିବ କିଏ ଜିତିବ୍ ସିରିଜ୍ । ପୂର୍ବରୁ ୪ଟିକିଆ ଟେଷ୍ଟ ମ୍ୟାଚକୁ ଭାରତ ୩-୧ରେ ଇଂଲଣ୍ଡ ଠାରୁ ଜିତି ନେଇଥିବା ବେଳେ ଏବେ ଟି-ଟ୍ୱେଣ୍ଟି ସିରିଜରେ ଇଂଲଣ୍ଡକୁ ମାତ୍ ଦେବାକୁ କ୍ରିଜରେ ଜାରି ରଖିଛି ପ୍ରୟାସ ।

ଏଥିସହ ପଢ଼ନ୍ତୁ- ଇଂଲଣ୍ଡ ଜିତିଲା ଟସ୍, ବ୍ୟାଟିଂ କରୁଛି ଭାରତ