ଇଂଲଣ୍ଡ ଜିତିଲା ଟସ୍, ବ୍ୟାଟିଂ କରୁଛି ଭାରତ

ଅହମଦାବାଦ: ଭାରତ-ଇଂଲଣ୍ଡ ମଧ୍ୟରେ ଚାଲିଛି ଟାଇଟଲ୍ ପାଇଁ ଲଢ଼େଇ । ଗୁଜରାଟ ଅହମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ୫ ଟିକିଆ ଟି-ଟ୍ୱେଣ୍ଟି ସିରିଜର ଅନ୍ତିମ ମ୍ୟାଚ୍ ଖେଳା ଯାଉଛି । ଟସ୍ ଜିତିଥିବା ଇଂଲଣ୍ଡ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ବ୍ୟାଟିଂ ଆରମ୍ଭରୁ ଭାରତ ଭଲ୍ ପ୍ରଦର୍ଶନ କରୁଛି ।

୮ ଓଭର ସୁଦ୍ଧା କୌଣସି ୱିକେଟ ନ ହରାଇ ଘରୋଇ ଦଳ ୮୦ ରନ୍ କରିବାରେ ସମର୍ଥ ହୋଇଛି । ରନ୍ ରେଟ୍ ୧୦ ରହିଛି । ରୋହିତ ଶର୍ମା ଓ ବିରାଟ କୋହଲିଙ୍କ ଓପନିଂ ଯୋଡ଼ି ଭାରତକୁ ଭଲ ଆରମ୍ଭ ଦେଇଛନ୍ତି । ପୂର୍ବରୁ ୫ ଟିକିଆ ଟି-ଟ୍ୱେଣ୍ଟି ସିରିଜର ୪ଟି ମ୍ୟାଚ୍ ଖେଳା ଯାଇସାରିଛି । ଉଭୟ ଦଳ ୨ଟି ଲେଖାଏଁ ମ୍ୟାଚ୍ ଜିତି ସିରିଜ୍ ୨-୨ରେ ବରାବର ରହିଛି ।

ଆଜିର ଶେଷ ତଥା ପଞ୍ଚମ ମ୍ୟାଚରେ ବିଜୟ ହିଁ ସ୍ତିର କରିବ କିଏ ଜିତିବ ସିରିଜ୍ । ଘରୋଇ ପିଚରେ ଭାରତ ହାର୍ ମାନିବ ନା ଟେଷ୍ଟ ସିରିଜ୍ ଭଳି ଭ୍ରମଣକାରୀ ଦଳ ଇଂଲଣ୍ଡ ଚାଖିବ ପରାଜୟର ସ୍ୱାଦ । ଭାରତ ୪ ଟିକିଆ ଟେଷ୍ଟ ସିରିଜକୁ ୩-୧ରେ ଜିତି ନେଇଥିଲା ।