ଟିକାକରଣରେ ଭାରତ ଆଗୁଆ, ୧୮ ଦିନରେ ୪୫% ସ୍ୱାସ୍ଥ୍ୟ କର୍ମୀଙ୍କୁ ଟିକା ପ୍ରଦାନ

ନୂଆଦିଲ୍ଲୀ: ଟିକାକରଣରେ ଭାରତ ଆଗୁଆ । ଦ୍ରୁତତମ ଦେଶ ଭାବେ ୪୦ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଟିକା ଦିଆଯାଇଛି । ମାତ୍ର ୧୮ ଦିନରେ ୪୫ ପ୍ରତିଶତ ସ୍ୱାସ୍ଥ୍ୟକର୍ମୀ ଟିକା ନେଇଛନ୍ତି । ଏନେଇ କେନ୍ଦ୍ର ପକ୍ଷରୁ ସୂଚନା ମିଳିଛି

ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ ଟିକାକରଣରେ ଭାରତ ଆଗରେ ରହିଥିବା ବେଳେ ଆମେରିକା ଓ ଇଂଲଣ୍ଡକୁ ପଛରେ ପକାଇଛି । ଭାରତରେ ଜାନୁଆରୀ ୧୬ରୁ ଆରମ୍ଭ ହୋଇଥିବା ଟିକାକରଣରେ ବର୍ତ୍ତମାନ ସୁଦ୍ଧା ୪୦ ଲକ୍ଷ ସ୍ୱାସ୍ଥ୍ୟ କର୍ମୀ ଟିକା ନେଇସାରିଛନ୍ତି । ଆମେରିକାରେ ୨୦ଦିନ ଓ ଇଂଲଣ୍ଡରେ ୩୫ ଦିନରେ ମୋଟ ୪୦ ଲକ୍ଷ ସ୍ୱାସ୍ଥ୍ୟ କର୍ମୀ ଟିକା ନେଇଥିବା ବେଳେ ଭାରତରେ ମାତ୍ର ୧୮ ଦିନରେ ୪୦ ଲକ୍ଷରୁ ଉର୍ଦ୍ଧ ସ୍ୱାସ୍ଥ୍ୟ କ୍ରମୀ ଟିକା ନେଇଛନ୍ତି ।

ତେବେ ଗତକାଲି ସାରା ଭାରତରେ ୨ ଲକ୍ଷ ୪୮ ହଜାର ୬୬୨ ଜଣଙ୍କୁ ଟିକା ଦିଆଯାଇଛି । ୧୮ ଦିନରେ ମଧ୍ୟପ୍ରଦେଶରେ ସର୍ବାଧିକ ୬୯. ୪ ପ୍ରତିଶତ ଟିକାକରଣ ହୋଇଛି ।