ଆଜି ଭାରତ ଓ ଚୀନ ମଧ୍ୟରେ ହେବ ଲେଫ୍ଟନାଣ୍ଟ ଜେନେରାଲ ସ୍ତରୀୟ ଆଲୋଚନା, ଭାରତର ପାଇଁ ପ୍ରତିନିଧିତ୍ୱ କରିବେ ହରିନ୍ଦର ସିଂ

ନୂଆଦିଲ୍ଲୀ: ଫିଟିବ କି ସମାଧାନର ବାଟ  ? LAC ରେ ଶାନ୍ତ ପଡ଼ିବ କି ପରିସ୍ଥିତ ? ଆଜି ଭାରତ-ଚୀନ ମଧ୍ୟରେ ହେବ ଆଲୋଚନା । ଲଦାଖର LACରେ ଗତ କିଛି ଦିନ ହେବ ଭାରତ ଓ ଚୀନ ମଧ୍ୟରେ ଲାଗି ରହିଥିବା ବିବାଦର ସମାଧାନ ପାଇଁ ଏବେ ଆଗେଇ ଆସିଛନ୍ତି ଉଭୟ ପକ୍ଷ । ଆଜି ଦୁଇ ଦେଶ ମଧ୍ୟରେ ହେବ ଲେଫ୍ଟନାଣ୍ଟ ଜେନେରାଲ ସ୍ତରୀୟ  ଆଲୋଚନା ।

ଭାରତର  ପ୍ରତିନିଧିତ୍ୱ କରିବେ ୧୪ କୋର କମାଣ୍ଡର ଲେଫ୍ଟନାଣ୍ଟ ଜେନେରାଲ ହରିନ୍ଦର ସିଂ । ଦୁଇ ଦେଶ ମଧ୍ୟରେ ଲାଗି ରହିଥିବା ସୀମା ବିବାଦର ସମାଧାନ ନେଇ ହେବ ଆଲୋଚନା । ଚୀନ ଶୀଘ୍ର ସେନା ପ୍ରତ୍ୟାହାର ପାଇଁ ଭାରତ ଦାବି କରିବ । ଏଥି ସମେତ ଭାରତର ନିର୍ମାଣ କାର୍ଯ୍ୟରେ ଚୀନ ବାଧା ନ ଦେବା ପାଇଁ ଦାବି ରଖିବ ଭାରତ । ମାମଲାର ସ୍ଥାୟୀ ସମାଧାନ ଦାବି କରିବ ଭାରତ ।

ଗତ କିଛି ଦିନ ହେବ LAC ରେ ଭାରତ ଓ ଚୀନ ମଧ୍ୟରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । ଚୀନ ବାରମ୍ବାର ସୀମାରେ ବଳପୂର୍ବକ କାମ କରୁଥିବା ଅଭିଯୋଗ କରି ଭାରତ ଉଚ୍ଚସ୍ତରୀୟ ଅଧିକାରୀଙ୍କ ସହ ଆଲୋଚନା କରିଛି । ପ୍ରଧାନମନ୍ତ୍ରୀ , ପ୍ରତିରକ୍ଷା ମନ୍ତ୍ରୀ ଓ ତିନି ସେନାର ମୁଖ୍ୟ ଏହି ପ୍ରସଙ୍ଗରେ କଥାବାର୍ତ୍ତା କରିସାରିଛନ୍ତି ।  ଯାହାଫଳରେ ଚୀନ ଚାପରେ ପଡ଼ି ନିଜ ସେନାଙ୍କୁ ପଛକୁ ହଟାଇଥିବା ଜଣାପଡ଼ିଛି ।

ଭାରତ-ଚୀନ ଗତିରୋଧ: G-7 ବିସ୍ତାରକୁ ନେଇ ଚୀନ ମିଡିଆର ଧମକ, ଦୁଇ ଦେଶ ମଧ୍ୟରେ ସମ୍ପର୍କ ଖରାପ ହେବ