ଔପଦା ଟ୍ରିପିଲ ମର୍ଡର ଘଟଣା: ୬ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ଔପଦା ପୋଲିସ

ବାଲେଶ୍ୱର: ଔପଦା ଟ୍ରିପିଲ ମର୍ଡର ଘଟଣାରେ ଅଟକ ୯ ଜଣ ଅଭିଯୁକ୍ତଙ୍କ ମଧ୍ୟରୁ ୬ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ଔପଦା ପୋଲିସ। ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ମାଧ ସିଂ ତାର ଭାଇ ହରି ସିଂ, ଛେଲିଆ ସିଂ, ବାପି ସିଂ, ଚନ୍ଦ୍ରମଣୀ ସିଂ ଓ ବୁଦ୍ଧିଆ ସିଂଙ୍କୁ ଔପଦା ପୋଲିସ ନୀଳଗିରି କୋର୍ଟ ଚାଲାଣ କରିଛି। ଗତ ଗୁରୁବାର ସକାଳେ ବରପଦା ଗାଁ ଠାରୁ ୫ କିଲୋମିଟର ଦୂର ଦଲଦଲିଆ ପାହାଡ଼ରୁ ତିନି ମୃତଦେହ ଉଦ୍ଧାର କରିଥିଲା ଔପଦା ପୋଲିସ। ସମ୍ବାରି ସିଂ, ଦମ୍ପା ସିଂ ତାଙ୍କ ସ୍ତ୍ରୀ ପାଗିଳିର ମୃତଦେହକୁ ଉଦ୍ଧାର କରାଯାଇଥିଲା। ଗଳିତ ଶବ ଗୁଡିକ ଅତି ବିଭତ୍ସ ଭାବେ ହତ୍ୟା କରାଯାଇ ଦଲଦଲିଆ ପାହାଡ଼ରେ ଫୋପାଡ଼ି ଦେଇଥିଲେ ଅଭିଯୁକ୍ତ। ବରପଦା ଗାଁର ମୁଖ୍ୟ ଅଭିଯୁକ୍ତ ମାଧ ସିଂ ଓ ତାର ଭାଇ ହରି ସିଂ ନିଜ ଘର ପଛ ପଟେ ୩ ଜଣଙ୍କୁ ପ୍ରଥମେ ପିଟିପିଟି ମାରିବା ପରେ ବିଭତ୍ସ ଭାବେ ବେକ କାଟି ହତ୍ୟା କରିଥିବା ସ୍ବୀକାର କରିଛନ୍ତି। ପରେ ଗାଁ ଠାରୁ ୫ କିଲୋମିଟର ଦୂର ଦଲଦଲି ପାହାଡ଼ରେ ଫୋପାଡ଼ି ଦେଇଥିବା ପୋଲିସ ଆଗରେ ମାନିଛନ୍ତି।

ସୂଚନା ଅନୁଯାୟୀ, ଗୁଣିଗାରେଡି କରି ମାଧ ପରିବାର ସମେତ ଅନ୍ୟ ପରିବାରକୁ ହଇରାଣ ହରକତ କରୁଥିବ ଯୋଗୁ ଯୋଜନା ବଦ୍ଧଭାବେ ହତ୍ୟା କରିଥିବା ଔପଦା ପୋଲିସ ଠାରେ ସ୍ବିକାର କରିଛନ୍ତି ଅଭିଯୁକ୍ତ । ଗତ ୩୦ ତାରିଖ ଦିନ ଗାଁର ଆଠରୁ ନଅ ଜଣ ମିଶି ପିଟିପିଟି ମାରିଦେଇଥିଲେ। ଘଟଣାରେ ଔପଦା ପୋଲିସ ୬ ଜଣ ଅଭିଯୁକ୍ତଙ୍କୁ ଆଜି ନୀଳଗିରି କୋର୍ଟ ଚାଲାଣ କରିଛି ।  ଅନ୍ୟ ଅଭିଯୁକ୍ତଙ୍କୁ ଖୁବଶୀଘ୍ର ଧରାଯିବ କହିଛି ପୋଲିସ  ।