ଏହିପରି ପାରା କମାଣ୍ଡୋ ଅପରେସନ୍ ରୁମରୁ ଆତଙ୍କବାଦୀଙ୍କ ବିରୁଦ୍ଧରେ ଯୁଦ୍ଧର ରଣନୀତି ପ୍ରସ୍ତୁତ କରିଥାନ୍ତି

ନୂଆଦିଲ୍ଲୀ: କେମିତି ହୁଏ ଯୁଦ୍ଧର ରଣନୀତି। ଭାରତୀୟ ସେନା ଯୁଦ୍ଧକୁ ଜିତିବା ପାଇଁ କଣ କରନ୍ତି। ଅପରହେସନ ରୁମରେ କେଉଁ କେଉଁ ଦିଗ ଉପରେ ଆଲୋଚନା ହୋଇଥାଏ। ଏମିତି କିଛି ପ୍ରଶ୍ନ କିମ୍ବା ଏହି ସବୁ ତରିକା ଗୁଡ଼ିକୁ ଜାଣିବା ପାଇଁ ଆପଣଙ୍କ ମନରେ ଇଚ୍ଛା ଜାଗ୍ରତ ହୋଇଥାଏ। ତେବେ ଆମେ ଆଜି ଆପଶଙ୍କୁ ଏଠାରେ ଏହି ସବୁ ତକିବା ସମ୍ବନ୍ଧରେ ଜଣାଇବୁ ।

କାଶ୍ମୀରକୁ ନିଜ ଅଧିନକୁ ନେବା ପାଇଁ ପ୍ରତି ମୁହୂର୍ତ୍ତରେ ଚେଷ୍ଟା ଚଳାଇଛି ପାକିସ୍ତାନ। ପ୍ରତି ଦିନ ଆତଙ୍କବାଦୀଙ୍କ ଆକ୍ରମଣରେ କାନ୍ଦୁଛି କାଶ୍ମୀର। ଆଉ ଏହି ସବୁ ଆକ୍ରମଣରୁ ରକ୍ଷା କରିବା ପାଇଁ ପାହାଡ଼ ହୋଇ ଛିଡ଼ା ହୋଇଛନ୍ତି ଆମ ଦେଶର ବୀର ଯବାନ। ଆତଙ୍କବାଦୀଙ୍କ ବିରୋଧରେ ସ୍ୱତନ୍ତ୍ର ଅପରେସନ୍ ପାଇଁ ଭାରତୀୟ ସେନାର ପାରା କମାଣ୍ଡୋ ସବୁ ସମୟରେ କାଶ୍ମୀରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଆସୁଛି। ଆତଙ୍କବାଦର ଅନ୍ତ ହେଉଛି ଭାରତୀୟ ସେନାର ପାରା କମାଣ୍ଡୋ। ପାରା କମାଣ୍ଡୋର ଏକ ଗୁରୁତ୍ୱପୂର୍ଣ୍ଣ କଥା ହେଉଛି ଏମାନେ ଅପରେସନ ସମୟରେ ସାଧାରଣ ନାଗରୀକଙ୍କୁ କେଉଁଭଳି ଭାବରେ କ୍ଷତି ନପହଞ୍ଚିବ ତାହା ଚେଷ୍ଟା କରନ୍ତି। ଏଥିପାଇଁ ଏମାନଙ୍କୁ ସ୍ୱତନ୍ତ୍ର ଭାବେ ଟ୍ରେନିଂ ନେବାକୁ ପଡ଼ିଥାଏ।

କାଶ୍ମୀରରେ ଯଦି କେଉଁଠି ଆତଙ୍କବାଦୀମାନେ ଲୁଚି ରହିଥିବାର ଖବର ମିଳେ । ତେବେ ଏନେଇ ଅପରେସନରେ ଥିବା ଦଳକୁ ଆତଙ୍କବାଦୀଙ୍କ ଉପରେ ଏକ ସଂକ୍ଷିପ୍ତ ସୂଚନା ଦିଆ ଯାଇଥାଏ। ଏହା ପରେ ଏମାନା ସମ୍ପୂର୍ଣ୍ଣଭାବେ ନିଜର ମନ ଭିତରେ ପ୍ରସ୍ତୁତ ହୋଇଯାଆନ୍ତି। ପାରା କମାଣ୍ଡୋ ମାନଙ୍କୁ ସବୁ ସମୟରେ ପସ୍ତୁତ ରହିବା ପାଇଁ ଟ୍ରେନିଂ ଦିଆଯାଇଥାଏ। ତେବେ ଡ୍ରୋନ ମାଧ୍ୟମରେ ନିଆଯାଇଥିବା ଫଟୋକୁ ବ୍ୟବହାର କରି କେମିତି ଯୁଦ୍ଧ କରାଯିବ ସେନେଇ ସୈନିକ ମାନଙ୍କ ସହ ବର୍ଣ୍ଣନା କରାଯାଇଛି ଏକ ରଣନୀତି ପ୍ରସ୍ତୁତ କରାଯାଇଥାଏ। ଶତ୍ରୁ ମାନଙ୍କର ଲୁଚିଥିବା ସ୍ଥାନକୁ ନିଜ ମୁଣ୍ଡରେ ଭଲକରି ଛାପି ଦିଅନ୍ତିି ପାରା କମାଣ୍ଡୋ।

ଅପରେସନ୍ ରୁମରେ ସମୟ ନ କାଟି ପୂର୍ବ ପ୍ରସ୍ତୁତି ମୁତାବକ ସୈନିକମାନଙ୍କୁ ଦୁଇଟି ଦଳରେ ବିଭକ୍ତ କରାଯାଇଥାଏ। ପ୍ରଥମେ ଏକ ଟିମ ଲୁଚି ରହିଥିବା ଆରଙ୍କବାଦୀ ମାନଙ୍କ ଘର ଠାରୁ ପ୍ରାୟ ୨ଶହରୁ ୩ଶହ ମିଟର ଦୂରରେ ବାହ୍ୟ କର୍ଡନ ତିଆରି କରନ୍ତି। ଏହା ପରେ ଦ୍ୱିତୀୟ କୋର୍ ଟିମ୍ ଆଗକୁ ବଢ଼ିବା ପୂର୍ବରୁ ଆତଙ୍କବାଦୀଙ୍କୁ ଆତ୍ମସମର୍ପଣ କରିବାକୁ ଲାଉଡ ସ୍ପିକରକୁ କହିବା ପାଇଁ କହିଥାଏ। ଏହା ପରେ ପାରା କମାଣ୍ଡୋ ଧିରେ ଧିରେ ଲକ୍ଷ୍ୟ ଆଡକୁ ବଢ଼ନ୍ତି। ଲାଉଡ ସ୍ପିକରରେ କହିବା ସମୟରେ ଏହା ସୁନିଶ୍ଚିତ ହୁଏ ଯେ ଭିତରୁ ପ୍ରଥମେ ଆତଙ୍କବାଦୀ ଆକ୍ରମଣ ନକରିବା ପର୍ଯ୍ୟନ୍ତ କେହି ଆକ୍ରମଣ କରିବେ ନାହିଁ ।

ପରସ୍ପର ସହ କଥା ହେବା ପାଇଁ ସଙ୍କେତ ବ୍ୟବହାର

ଏହି ସମୟ ମଧ୍ୟରେ ପ୍ରତ୍ୟେକ ସନ୍ଦେହଜନକ କାର୍ଯ୍ୟ ଉପରେ ନଜର ରଖିବା ପାଇଁ ଡ୍ରୋନ୍ ମଧ୍ୟ ଟାର୍ଗେଟ୍ ହାଉସ୍ ଉପରେ ଉଡ଼ାଯାଏ। ତେବେ ଯେଉଁମାନେ ପାରା କାମାଣ୍ଡୋର ଏହି ଟିମରେ ଅଧିକ ତିକ୍ଷ୍ଣ ହୋଇଥାନ୍ତି ସେମାନେ ଟାର୍ଗେଟ ଘର ଆଡକୁ ୫ରୁ ୬ ଜଣ ଭଳି ଏକ ବଡ଼ ଯୋଡ଼ିରେ ଯାଇଥାନ୍ତି। ଏହା ପରେ ବହୁ ଶୀଘ୍ର ଗୋଟିଏ ପରେ ଗୋଟିଏ ରୁମକୁ ଯାଞ୍ଚ କରାଯାଏ। କୋଠରୀକୁ ଯାଞ୍ଚ କରିବା ପରେ ଇଞ୍ଜିନିୟର ମାନଙ୍କୁ IEDର ଯାଞ୍ଚ ପାଇଁ ଡକାଯାଇଥାଏ। ଅପରେସନ୍ ସମୟରେ ପରସ୍ପର ସହିତ କଥାବାର୍ତ୍ତା କରିବାକୁ ଏକ ପ୍ରକାାରର ସିଗନାଲ୍ ବ୍ୟବହାର କରାଯାଇଥାଏ। ଯାହାକୁ କଲ୍ ସେନ୍ସ କୁହାଯାଏ। ଏହି ସିଗନାଲ ବ୍ୟବହାର କରିବା ଦ୍ୱାରା ଶତ୍ରୁମାନେ ଯାଣିପାରନ୍ତି ନାହିଁ କି ସେମାନଙ୍କ ଆଡ଼କୁ କିଏ ଆସୁଛି ବୋଲି।

ଜଙ୍ଗଲ ଏବଂ ସହରରେ ଯୁଦ୍ଧ ପାଇଁ ଅଲଗା ତାଲିମ

କାରା କମାଣ୍ଡୋ ମାନଙ୍କୁ ଦୁଇ ପ୍ରକାରର ଟ୍ରେନିଂ ଦିଆଯାଇଥାଏ। ୟୁନିଟର କମ୍ପାନୀ କମାଣ୍ଡର ମେଜର ମଲକିତ କହିଛନ୍ତି ଯେ ପାରା ଫୋର୍ସ ଏକ ଭଲିଣ୍ଟିୟର ଫୋର୍ସ। ଯବାଦ କିମ୍ବା ଅଧିକାରୀମାନେ ନିଜ ନିଜ ଇଚ୍ଛାରେ ଏଥିରେ ସାମିଲ ହୋଇଥାନ୍ତି। ଏହା ପରେ ଏଥିରେ ସାମିଲ ହେବା ପାଇଁ ସେମାନଙ୍କୁ କଠିନ ପରିଶ୍ରମ କରିବା ପାଇଁ ପଡ଼ିଥାଏ। ଟ୍ରେନିଂ ସମୟରେ ପ୍ରଥମେ ଏୟାରବୋର୍ଣ୍ଣ ଟାସ୍କ ର ଟ୍ରେନିଂ ଦିଆଯାଇଥାଏ। ଯେଉଁଥିରେ ଆକାଶ ମାର୍ଗରୁ କେମିତି ଜମ୍ପ କରିବାକୁ ପଡ଼ିବ ତାର ଟ୍ରେନିଂ ଦିଆଯାଏ। ଗୋଟିଏ ହେଉଛି ଏକ ଷ୍ଟାଟିକ୍ ଲାଇନ୍ ଜମ୍ପ ଯେଉଁଥିରେ ପାରାଚ୍ୟୁଟ୍ କେମିତି ଖୋଲିବେ ଏବଂ ଅନ୍ୟଟି ୧୨ ହଜାର ଫୁଟ କିମ୍ବା ତା’ଠାରୁ ଅଧିକ ଉଚ୍ଚର ଜମ୍ପ କରିବା ପରେ ପାରାଚ୍ୟୁଟକୁ କେମିତି ଖୋଲିବେ। ମେଜର କହିଛନ୍ତି ଯେ LoC ଅପରେସନ୍ ଅଲଗା, ଯେଉଁଠାରେ ସେମାନେ ଜଙ୍ଗଲ ଅଞ୍ଚଳରେ ଆତଙ୍କବାଦୀଙ୍କ ଅନୁପ୍ରବେଶ ଭଳି ଆହ୍ୱାନର ସମ୍ମୁଖୀନ ହେଉଛନ୍ତି। ତେଣୁ ଜଙ୍ଗଲ ରେ ଯୁଦ୍ଧ ପାଇଁ ଅଲଗା ଭାବେ ଟ୍ରେନିଂ ଦିଆଯାଇଥାଏ। ହେଲେ ସହର କିମ୍ବାର ଗାଁ ଗହଳି ମାନଙ୍କରେ ଯୁଦ୍ଧ କରିବାକୁ ହେଲେ ସେମାନଙ୍କୁ ବିଭିନ୍ନ ପ୍ରକାରର ସ୍ୱତନ୍ତ୍ର ତାଲିମ ନେବାକୁ ପଡିଥାଏ।

ଏହି ଅଭ୍ୟାସକୁ ‘ଅଗର-ମଗର’ ଅଭ୍ୟାସ କୁହାଯାଏ

ପାରା ୟୁନିଟ୍ ର କମାଣ୍ଡିଂ ଅଫିସର କର୍ଣ୍ଣେଲ କରଣ ଭାଟିଆ କହିଛନ୍ତି ଯେ ପାରାଚ୍ୟୁଟ୍ ୟୁନିଟ୍ ହେଉଛି ଏକ ସ୍ୱତନ୍ତ୍ର ଅପରେସନ୍ ପାଇଁ ବ୍ୟବହୃତ ଏକ ସ୍ୱତନ୍ତ୍ର ୟୁନିଟ୍। ସୈନିକମାନଙ୍କ ପାଖରେ ସ୍ୱତନ୍ତ୍ର ଅସ୍ତ୍ରଶସ୍ତ୍ର ରହିଥାଏ ଏବଂ ଭାରତୀୟ ସେନା ଯେଉଁଠାରେ ରହିଥାନ୍ତି ସେଠାରେ ସେମାନଙ୍କୁ ସ୍ୱତନ୍ତ୍ର ଅପରେସନ୍ ପାଇଁ ନିୟୋଜିତ କରାଯାଇଥାଏ। ଅପରେସନ ନଥିଲେ ମଧ୍ୟ ପାରା ମିଲିଟାରି ଫୋର୍ସକୁ ସବୁବେଳେ ଅଭ୍ୟାସ କରିବାକୁ ପଡ଼ିଥାଏ। ଯେଉଁଥିରେ ଯଦି ପ୍ରଥମ ପ୍ଲାନ ବିଫଳ ହୁଏ, ତେବେ ଦ୍ୱିତୀୟ ପ୍ଲାନରେ କ’ଣ କରିବାକୁ ପଡ଼ିବ ସେ ବିଷୟରେ ଆଲୋଚନା ହୋଇଥାଏ। ସେଥିପାଇଁ ଏହି ଅଭ୍ୟାସକୁ ‘ଅଗର-ମଗର ଅଭ୍ୟାସ’ ବୋଲି କୁହାଯାଏ।

ଏହି ଅସ୍ତ୍ରଗୁଡିକ ବ୍ୟବହୃତ ହୋଇଥାଏ

ପାରା ୟୁନିଟ୍ ଯବାନ ଇସ୍ରାଏଲ୍ ମେଡ୍ ଟେବୋର -୨୧ ଆସାଲ୍ଟ ରାଇଫଲ୍ ବ୍ୟବହାର କରିଥାନ୍ତି । ଯାହାର ପ୍ରାୟ ୫୫୦ ମିଟର ପର୍ଯ୍ୟନ୍ତ ରେଞ୍ଚ ରହିଥାଏ । ସେହିଭଳି ଅଷ୍ଟ୍ରିଆ ମେଡ୍ ଗ୍ଲକ୍ -୧୭ ପିସ୍ତଲ, ଇସ୍ରାଏଲ୍ ମେଡ୍ ଉଜି SMG, ନାଇଟ୍ ଭିଜନ୍ ଡିଭାଇସ୍, ଲେଜର, ଶରୀର କ୍ୟାମେରା, ଛୁରୀ ଏବଂ ବାଲାଷ୍ଟିକ ସିଲ୍ନର ବ୍ୟବହାର କରିଥାନ୍ତି ସୈନିକ ମାନେ।