ପହିଲାରୁ ଏହି ୫ଟି ବଡ଼ ନିୟମରେ ପରିବର୍ତ୍ତନ ହେବ, ଜାଣନ୍ତୁ ନଚେତ୍ କ୍ଷତି ସହିପାରନ୍ତି…
1 min read
ନୂଆଦିଲ୍ଲୀ: ୧ ଡିସେମ୍ବର, ୨୦୨୦ ଠାରୁ ଭାରତରେ ପାଞ୍ଚଟି ବଡ଼ ପରିବର୍ତ୍ତନ ହେବାକୁ ଯାଉଛି । ଏହି ପରିବର୍ତ୍ତନଗୁଡ଼ିକ ସାଧାରଣ ଲୋକଙ୍କ ଜୀବନରେ ସିଧାସଳଖ ପ୍ରଭାବ ପକାଇବ । ତେବେ ଏହି ନୂଆ ପରିବର୍ତ୍ତନ ଗୋଟିଏ ପଟେ ଆପଣଙ୍କୁ ଆସ୍ୱସ୍ତ କରୁଥିବା ବେଳେ ଅନ୍ୟପଟେ ଯଦି ଆପଣ କିଛି ଜିନିଷକୁ ଅଣଦେଖା କରନ୍ତି ତେବେ ଆର୍ଥିକ କ୍ଷତି ମଧ୍ୟ ସହିପାରନ୍ତି । ଏଥିମଧ୍ୟରେ ଗ୍ୟାସ୍ ସିଲିଣ୍ଡର, ବୀମା ପ୍ରିମିୟମ୍, ରେଳବାଇ, ଏଟିଏମ୍ରୁ ଟଙ୍କା ଉଠାଣ ଓ ଟଙ୍କା ନେଣଦେଣ ସହ ଜଡ଼ିତ ନିୟମ ସାମିଲ ରହିଛି । ସେହି ପରିବର୍ତ୍ତନଗୁଡ଼ିକ ହେଲା:-
LPG ଦର
ତୈଳ କମ୍ପାନୀଗୁଡିକ ପ୍ରତ୍ୟେକ ମାସ ଆରମ୍ଭରେ ଏଲପିଜି ସିଲିଣ୍ଡରର ମୂଲ୍ୟ ସମୀକ୍ଷା କରନ୍ତି । ପହିଲାରୁ ଦେଶରେ ଏଲପିଜି ସିଲିଣ୍ଡରର ମୂଲ୍ୟ ବଦଳିବ । ତେବେ ପ୍ରତ୍ୟେକ ରାଜ୍ୟରେ ଟାକ୍ସ ଭିନ୍ନ ଭିନ୍ନ ହୋଇଥାଏ । ତେଣୁ ଏଲ୍ପିଜି ଦର ମଧ୍ୟ ଭିନ୍ନ ରହିଥାଏ ।
PNB ବଦଳାଇବ ATMରୁ ଟଙ୍କା ଉଠାଣ ନିୟମ
ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନବି) ପକ୍ଷରୁ ଗ୍ରାହକଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି । ଅନ୍ଲାଇନ୍ ଠକେଇ ସହ ବିଭିନ୍ନ ଠକେଇକୁ ଦୃଷ୍ଟିରେ ରଖି ବ୍ୟାଙ୍କ ଏଟିଏମ୍ରୁ ଟଙ୍କା ଉଠାଣ ବେଳେ ନିୟମକୁ କଡ଼ାକଡ଼ି କରିଛି । ଗ୍ରାହକଙ୍କ ସୁବିଧା ଓ ଟଙ୍କାର ସୁରକ୍ଷାକୁ ନଜରରେ ରଖି ବ୍ୟାଙ୍କ ପକ୍ଷରୁ ଏହି ନୂଆ ନିୟମ ଲାଗୁ କରିବାକୁ ନିଷ୍ପତି ହୋଇଛି । ତାହା ହେଲା ଏଣିକି ଯଦି ଗ୍ରାହକ ୧୦ ହଜାର କିମ୍ବା ତାଠାରୁ ଅଧିକ ଟଙ୍କା ଏଟିଏମ୍ରୁ ଉଠାଣ କରିବାକୁ ଚେଷ୍ଟା କରେ, ତେବେ ବ୍ୟାଙ୍କରେ ପଞ୍ଜିକୃତ ଥିବା ମୋବାଇଲ ନମ୍ବରକୁ ଏକ ଓଟିପି ପଠାଯିବ । ଆଉ ସେହି ଓଟିପିକୁ ବ୍ୟବହାର କଲେ ହିଁ ଗ୍ରାହକ ଟଙ୍କା ଉଠାଇପାରିବ । ଏହି ନିୟମ ଡିସେମ୍ବର ପହିଲା ଲାଗୁ ହେବ । ତେବେ ଗ୍ରାହକଙ୍କ ପାଇଁ ବିଶେଷ ସୂଚନା ଯେ, ଏଟିଏମ୍ରୁ ଟଙ୍କା ଉଠାଇବାକୁ ଗଲା ବେଳେ ସାଥିରେ ମୋବାଇଲ ରଖିଥାନ୍ତୁ । ନଚେତ୍ ହଇରାଣ ହେବାର ସମ୍ଭାବନା ରହିଛି ।
୨୪ ଘଣ୍ଟିଆ RTGS ସୁବିଧା
ଗ୍ରାହକଙ୍କୁ ଉନ୍ନତ ସୁବିଧା ଯୋଗାଇବା ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ପକ୍ଷରୁ ବିଭିନ୍ନ ସମୟରେ କିଛି ନା କିଛି ଘୋଷଣା କରାଯାଇଥାଏ । ଏବେ ପୁଣି କୋଟି କୋଟି ଗ୍ରାହକଙ୍କ ପାଇଁ ଆରବିଆଇ ଆରବିଆଇ ଆଉ ଏକ ବଡ଼ ଘୋଷଣା କରିଛି । ଆସନ୍ତା ମାସରୁ ବ୍ୟାଙ୍କଗୁଡିକ ଟଙ୍କା ନେଣଦେଣ ସହ ଜଡିତ ଏକ ଗୁରୁତ୍ୱପୂର୍ଣ୍ଣ ନିୟମ ପରିବର୍ତ୍ତନ କରିବାକୁ ଯାଉଛନ୍ତି ।
ଅକ୍ଟୋବରରେ, ଆରବିଆଇ ଘୋଷଣା କରିଥିଲା ଯେ, ରିଅଲ୍ ଟାଇମ୍ ଗ୍ରସ୍ ସେଟେଲମେଣ୍ଟ (RTGS) ସିଷ୍ଟମ ୧ ଡିସେମ୍ବର ୨୦୨୦ରୁ ଲାଗୁ କରାଯିବ । ୨୪*୭ ଏହି ପ୍ରକ୍ରିୟା ଚାଲିବ । ପୂର୍ବରୁ ଏହା ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଚାଲିଥିଲା । ନୂଆ ନିୟମ ପରେ ଗ୍ରାହକ ଯେଉଁ ସମୟରେ ହେଲେ ମଧ୍ୟ ଏହାର ଫାଇଦା ନେଇପାରିବେ । ଅଧିକ ପରିମାଣର ଟଙ୍କା ନେଣ ଦେଣ ପାଇଁ ବ୍ୟାଙ୍କ ଖୋଲିବା ପର୍ଯ୍ୟନ୍ତ ଗ୍ରାହକଙ୍କୁ ଅପେକ୍ଷା କରିବାକୁ ପଡ଼ିବ ନାହିଁ ।
ଟଙ୍କା ନେଣଦେଣର ପରିମାଣ ଅନ୍ୟୁନ ୨ ଲକ୍ଷ ଟଙ୍କା
ସାରା ଦେଶରେ ଡିଜିଟାଲ ବ୍ୟାଙ୍କିଂକୁ ପ୍ରୋତ୍ସାହିତ କରିବା ପାଇଁ ଆରବିଆଇ ଏହି ପଦକ୍ଷେପ ନେଇଛି । କରୋନା କାଳରେ ଡିଜିଟାଲ ବ୍ୟାଙ୍କିଂର ବ୍ୟବହାର ବୃଦ୍ଧି ପାଇଛି । ତେବେ ଏଠି କହି ରଖୁଛୁ ଯେ, RTGS ମଧ୍ୟମରେ ସର୍ବନିମ୍ନ ଟ୍ରାନ୍ସପର ପରିମାଣ ହେଉଛି ଦୁଇ ଲକ୍ଷ ଟଙ୍କା ଏବଂ ସର୍ବାଧିକ ପରିମାଣର କୌଣସି ସୀମା ନାହିଁ ।
ନୂତନ ଟ୍ରେନ୍ ଲଞ୍ଚ କରାଯିବ
କରୋନା ସଙ୍କଟ ସମୟରେ ଭାରତୀୟ ରେଳବାଇ ପକ୍ଷରୁ ସ୍ୱତନ୍ତ୍ର ଟ୍ରେନ୍ ଚଳାଚଳ କରାଯାଉଥିଲା । ଏହି କ୍ରମରେ ଡିସେମ୍ବର ପହିଲାରୁ ରେଳବାଇ ଅନେକ ନୂତନ ଟ୍ରେନ୍ ଚଳାଇବାକୁ ଯାଉଛି । ମଙ୍ଗଳବାରଠାରୁ ଅଧିକ ଯାତ୍ରୀଙ୍କୁ ସୁବିଧା ମିଳିବା ସହ ଅଧିକ ଟ୍ରେନ୍ ପରିଚାଳନା କାର୍ଯ୍ୟ ଆରମ୍ଭ ହେବାକୁ ଯାଉଛି । ଏଥିରେ ଉଭୟ ଜେଲମ୍ ଏକ୍ସପ୍ରେସ୍ ଏବଂ ପଞ୍ଜାବ ମେଲ୍ ସାମିଲ ଅଛି । ଏହି ଦୁଇଟି ଟ୍ରେନ୍ ସାଧାରଣ ବର୍ଗ ଅଧୀନରେ ଚାଲୁଛି
