ଆୟୁର୍ବେଦିକ ଡାକ୍ତରଙ୍କୁ ଅସ୍ତ୍ରୋପଚାର ଅନୁମତିକୁ ବିରୋଧ
କଟକ: ପୁଣି କେନ୍ଦ୍ର ସରକାରଙ୍କ ଆଉ ଏକ ଅନୁମତିକୁ ନେଇ ବିକ୍ଷେଭ । ଆୟୁର୍ବେଦିକ ଡାକ୍ତରଙ୍କୁ ଅସ୍ତ୍ରୋପଚାର ଅନୁମତିକୁ ବିରୋଧ କରିଛି ଆଇଏମଏ । ଆୟୁର୍ବେଦିକ ଡାକ୍ତରଙ୍କ ଅସ୍ତ୍ରୋପଚାର ଉପରେ ସୃଷ୍ଟି ହୋଇଛି ପ୍ରଶ୍ନବାଚୀ । କିଭଳି ଆୟୁର୍ବେଦିକ ଡାକ୍ତର ଅସ୍ତ୍ରୋପଚାର କରିପାରିବେ ଏନେଇ ବିରୋଧ କରିଛି ଆଇଏମଏ ।
ଏବଂ ଭାରତୀୟ କେନ୍ଦ୍ରୀୟ ଔଷଧ ପରିଷଦ ଓ ନୀତି ଆୟୋଗ ଦ୍ୱାରା ଜାରି ବିଜ୍ଞପ୍ତିକୁ ଆଇଏମଏ ତରଫରୁ ତୀବ୍ର ବିରୋଧ କରାଯାଇଛି । ଏନେଇ କଟକରେ ଏକ ଶୋଭାଯାତ୍ରାରେ ଡାକ୍ତର, ଡାକ୍ତରୀ ଛାତ୍ରଛାତ୍ରୀ ଯାଇ ତୁରନ୍ତ ଏହି ବିଜ୍ଞପ୍ତି ପ୍ରତ୍ୟାହାର ପାଇଁ ଦାବି କରିଛନ୍ତି । କେନ୍ଦ୍ର ସରକାର ବିଜ୍ଞପ୍ତି ପ୍ରତ୍ୟାହାର ନକଲେ ୧୧ ତାରିଖରେ ଘରୋଇ ଡାକ୍ତରଖାନାଗୁଡିକ ୧୨ ଘଣ୍ଟା ପାଇଁ ବନ୍ଦ ରହିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି ।
