୮୫ ଜଣ ଭାରତୀୟଙ୍କୁ ନେଇ ଆଫଗାନିସ୍ତାନରୁ ଫେରୁଛି ବାୟୁସେନା ବିମାନ
1 min read
କାବୁଲ: ତାଲିବାନ କବଳରୁ ମୁକୁଳିଲେ ଭାରତୀୟ । ଫସି ରହିଥିବା ୮୫ଜଣ ଭାରତୀୟଙ୍କୁ ନେଇ ଉଡ଼ାଣ ଭରିଲା ଭାରତୀୟ ବାୟୁସେନା ବିମାନ । କାବୁଲ ଏୟାରପୋର୍ଟରୁ ଭାରତୀୟଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଆମେରିକା ସରକାରଙ୍କ ସହ ନିରନ୍ତର ଯୋଗାଯୋଗ କରାଯାଉଛି ।ଆଫଗାନିସ୍ତାନର ବିଭିନ୍ନ ସ୍ଥାନରେ ଫସି ରହିଥିବା ଭାରତୀୟମାନଙ୍କୁ ଉଦ୍ଧାର କରିବା ଲାଗି ବାୟୁସେନାର ସି-୧୭ ବିମାନ କାବୁଲରେ ପହଞ୍ଚି ୮୫ ଜଣଙ୍କୁ ନେଇ ଉଡ଼ାଣ ଆରମ୍ଭ କରିଥିବା ସୂଚନା ମିଳିଛି । ପ୍ରାୟ ୪ଶହ ଭାରତୀୟ ସେଠାରେ ଫସି ରହିଥିବା ଜଣାପଡ଼ିଛି । ପୂର୍ବରୁ ମଧ୍ୟ ସ୍ୱତନ୍ତ୍ର ବିମାନ ଯୋଗେ ଆଫଗାନିସ୍ତାନରେ ରହୁଥିବା କିଛି ଭାରତୀୟଙ୍କୁ ଫେରାଇ ଅଣାଯାଇଥିଲା ।
