ମେଡିକାଲରୁ ଡିସ୍‌ଚାର୍ଜ ହେଲେ ଗାଙ୍ଗୁଲି

1 min read

ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡର ସଭାପତି ସୌରଭ ଗାଙ୍ଗୁଲି ଗୁରୁବାର ଦିନ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି । ନିକଟରେ ହଠାତ୍ ଅସୁସ୍ଥ ହୋଇ ପଡିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।

କୋଲକାତାର ଉଡ୍‌ଲାଣ୍ଡ ହସ୍ପିଟାଲରୁ ଡିସ୍‌ଚାର୍ଜ ହେବା ପରେ ସେ ଡାକ୍ତରୀ ଟିମ୍‌କୁ କୃତଜ୍ଞତା ଜଣାଇଛନ୍ତି । ଗାଙ୍ଗୁଲି ସମ୍ପୂର୍ଣ୍ଣ ସୁସ୍ଥ ଥିବା ନେଇ ସୂଚନା ଦେଇଛନ୍ତି ମେଡିକାଲ କର୍ତ୍ତୃପକ୍ଷ।

ଗତ ଶନିବାର କୋଲକାତା ସ୍ଥିତ ବାସଭବନରେ ବ୍ୟାୟାମ କରିବା ବେଳେ ଗାଙ୍ଗୁଲି ଛାତିରେ ଯନ୍ତ୍ରଣା ଅନୁଭବ କରିଥିଲେ । ତତପରେ ସଙ୍ଗେସଙ୍ଗେ ତାଙ୍କୁ ଉଡ୍‌ଲାଣ୍ଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ସ୍ୱାସ୍ଥ୍ୟ ପରୀକ୍ଷା ପରେ କରୋନାରିରେ ବ୍ଲକେଜ୍ ଯୋଗୁ ସେ ଅସୁସ୍ଥ ଥିବା ଜଣାପଡ଼ିଥିଲା ।

ପରେ ୯ଜଣିଆ ଡାକ୍ତରୀ ଟିମ୍ ତାଙ୍କ ଚିକିତ୍ସାରେ ଲାଗି ପଡିଥିଲେ । ମେଡିକାଲରେ ଚିକିତ୍ସିତ ହେବାର ୫ ଦିନ ପରେ ଆଜି ସୌରଭ ଗାଙ୍ଗୁଲିଙ୍କୁ ଡିସଚାର୍ଜ କରାଯାଇଛି ।

ନିକଟରେ ହସ୍ପିଟାଲରେ ଗାଙ୍ଗୁଲିଙ୍କର ଏଞ୍ଜିଓପ୍ଲାଷ୍ଟି କରାଯାଇଥିଲା । ଯାହା ସଫଳ ହୋଇଥିବା ବେଳେ ଡାକ୍ତରଙ୍କ ପକ୍ଷରୁ କୁହାଯାଇଥିଲା । ତାଙ୍କର ଏଞ୍ଜିଓପ୍ଲାଷ୍ଟି ପରେ ଜାରି କରାଯାଇଥିବା ଏକ ବୁଲେଟିନରେ କୁହାଯାଇଥିଲା ଯେ, ୪୮ ବର୍ଷୀୟ ସୌରଭଙ୍କ ଅବସ୍ଥା ସ୍ଥିର ରହିଛି । ଏଞ୍ଜିଓପ୍ଲାଷ୍ଟି ପରେ ତାଙ୍କ ଧମନୀରେ ଷ୍ଟଣ୍ଟ୍ ଲଗାଯାଇଛି। ଭଗବାନଙ୍କ କୃପାରୁ ସେ ଏବେ ସୁସ୍ଥ ଅଛନ୍ତି।

ଏଥିସହ ପଢନ୍ତୁ- ସୌରଭ ଗାଙ୍ଗୁଲିଙ୍କ ଏଞ୍ଜିଓପ୍ଲାଷ୍ଟି ସଫଳ, ହସ୍ପିଟାଲ ଜାରି କଲା ଅପଡେଟ୍

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.