ଯାଜପୁର: ଯାଜପୁର ଜିଲ୍ଲା ଧର୍ମଶାଳା ଥାନା ସୁଭଦ୍ରାପୁର ମୁଣ୍ଡା ସାହିରେ ଅଘଟଣ। ସ୍ତ୍ରୀର ମୃତ୍ୟୁ ପରେ ଥାନାରେ ଅଟକ ରହିଛି ସ୍ୱାମୀ। ପଚରାପଚରି ପାଇଁ ଅଟକ ରହିଛି ସ୍ୱାମୀ। ଏହା ମୃତ୍ୟୁ ନା ହତ୍ୟା ଏ ସମ୍ପର୍କରେ ସମ୍ପୂର୍ଣ୍ଣ ତଦନ୍ତ ପରେ ଜଣାପଡ଼ିବ। ତେବେ ମାର ମୃତ୍ୟୁ ଓ ବାପା ଥାନାରେ ଅଟକ ଥିବାରୁ ଅସହାୟ ଅବସ୍ଥାରେ ୩ ଜଣ ଶିଶୁ।
୩ ଜଣ ଶିଶୁଙ୍କ ସୁରକ୍ଷା ପାଇଁ ପ୍ରଶାସନକୁ ପଦକ୍ଷେପ ନେବାକୁ ସ୍ଥାନୀୟ ଲୋକେ ଦାବି କରିଛନ୍ତି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ରବି ମୁଣ୍ଡା ସ୍ତ୍ରୀଙ୍କ ଅସ୍ୱାଭାବିକ ଭାବେ ମୃତ୍ୟୁ ହୋଇଥିଲା। ବିଳମ୍ବିତ ରାତିରେ ଧର୍ମଶାଳା ପୋଲିସ ଘଟଣା ସ୍ଥଳରେ ପହଁଚି ମୃତଦେହକୁ ଜବତ କରି ଶବ ବ୍ୟବଛେଦ ପାଇଁ ପଠାଇବା ସହ ସ୍ୱାମୀକୁ ଥାନାରେ ଅଟକ ରଖାଯାଇଛି।
