ଭୁବନେଶ୍ୱରରେ କରୋନା ଟିକାର ମାନବ ପରୀକ୍ଷଣ, ଜାଣନ୍ତୁ ପ୍ରଥମ ଦିନରେ କେତେ ଜଣ କଲେ ପଞ୍ଜିକରଣ…
ଭୁବନେଶ୍ୱର: ଭୁବନେଶ୍ୱରରେ ହ୍ୟୁମାନ ଟ୍ରାଏଲ ପାଇଁ ସ୍କ୍ରିନିଂ ସରିଛି । ପ୍ରଥମ ପର୍ଯ୍ୟାୟରେ ୩୦ ଜଣଙ୍କର ସ୍କ୍ରିନିଂ କରାଯାଇଛି । କରୋନା ଭ୍ୟାକ୍ସିନ୍ର ହ୍ୟୁମାନ୍ ଟ୍ରାଏଲ ପାଇଁ ଦେଶରେ ମୋଟ ୧୨ଟି ଲ୍ୟାବ୍ ରହିଛି । ସେଥିମଧ୍ୟରୁ ଭୁବନେଶ୍ୱର ସମ୍ ହସ୍ପିଟାଲ ଅନ୍ୟତମ । ହ୍ୟୁମାନ ଟ୍ରାଏଲର ସାମ୍ନା କରିବା ପାଇଁ ସ୍ୱେଚ୍ଛାକୃତ ଭାବେ ଅନେକ ଲୋକ ଆବେଦନ କରିଛନ୍ତି । ଏନେଇ ସମ୍ ହସ୍ପିଟାଲରେ ପ୍ରକ୍ରିୟା ଆରମ୍ଭ ହୋଇଯାଇଛି । ସପ୍ତାହକ ମଧ୍ୟରେ ହ୍ୟୁମାନ ଟ୍ରାଏଲ ଆରମ୍ଭ ହେବ ବୋଲି ସୂଚନା ମିଳିଛି ।
କରୋନା ସଙ୍କଟ ମଧ୍ୟରେ ଭାରତର ସ୍ୱଦେଶୀ କୋଭିଡ୍ ଟିକା ‘କୋଭିକ୍ସିନ୍ ’ ଟ୍ରାଏଲ ବିଷୟରେ ଖବର ଆସିଥିଲା । ଏବେ କରୋନା ସଙ୍କଟରେ ଆଶା ବଢାଉଛି କୋଭାକ୍ସିନ୍ । ଟିକାର ହ୍ୟୁମାନ ଟ୍ରାଏଲ ପାଇଁ ଭୁବନେଶ୍ୱରସ୍ଥିତ ସମ୍ ହସ୍ପିଟାଲରେ ଲ୍ୟାବ୍ ଉଦଘାଟନ ହୋଇସାରିଛି ।
ସମ ହସ୍ପିଟାଲ୍ ଅଡିଟୋରିୟମରେ ଏହି ଲ୍ୟାବ୍ର ଉଦଘାଟନ କରାଯାଇଛି । ସେପଟେ ଦିଲ୍ଲୀ ଏମ୍ସରେ ମଧ୍ୟ ଆରମ୍ଭ ହେଉଛି କୋଭାକ୍ସିନର ହ୍ୟୁମାନ ଟ୍ରାଏଲ । ଶନିବାର ଦିଲ୍ଲୀ ଏମ୍ସର ଏଥିକ୍ସ କମିଟି ପ୍ରଥମ ପର୍ଯ୍ୟାୟ ମାନବୀୟ ପରୀକ୍ଷଣ ପାଇଁ ମଂଜୁରୀ ଦେଇଥିଲେ । ପ୍ରଥମ ପର୍ଯ୍ୟାୟରେ ୩୭୫ ଜଣ ସ୍ୱେଚ୍ଛାସେବୀଙ୍କ ଉପରେ ପରୀକ୍ଷଣ କରାଯିବ ।
୧୮ରୁ ୫୫ ବର୍ଷ ବୟସ୍କ ବ୍ୟକ୍ତିଙ୍କ ଉପରେ ଏହି ପରୀକ୍ଷା କରାଯିବ । ଟିକା ଦେବା ପୂର୍ବରୁ ସେମାନଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରାଯିବ । ହାଇଦ୍ରାବାଦର ଭାରତ ବାୟୋଟେକ୍ ଆଇସିଏମ୍ଆର ଓ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜିର ସହଯୋଗରେ ଟିକାକୁ ବିକଶିତ କରିଯାଇଛି ।
