ପୁରୀ ବେଳାଭୂମିରୁ ଖପୁରୀ ସହ ଶରୀରର ବିଭିନ୍ନ ଅଂଶ ଉଦ୍ଧାର
ପୁରୀ: ପୁରୀ ବେଳାଭୂମିରୁ ଉଦ୍ଧାର ହେଲେ ଜଣଙ୍କର ଖପୁରୀ ସହ ଶରୀରର କିଛି ଅଂଶ । ଗତକାଲି ବିଳମ୍ବିତ ରାତିରେ ବେଳାଭୂମି ନିକଟରେ ଥିବା ଷ୍ଟର୍ଲିଙ୍ଗ ହୋଟେଲ ରାସ୍ତା ପାଖରୁ ଏହି ମଣିଷ ଖପୁରୀ ସହ ଶରୀରର ଅଂଶ ମିଳିଛି ।
ଖପୁରୀଟି ଏକ ପୁରୁଷର ବୋଲି ସାର୍ଟରୁ ଅନୁମାନ କରାଯାଉଛି । ଏହି ମୃତ ଦେହଟି ବଳିଆପଣ୍ଡା ଥାନା ଅଞ୍ଚଳରେ ପଡିଥିଲା । ବଳିଆପଣ୍ଡା ଥାନା ପୋଲିସ ଖପୁରୀ ଓ ଶରୀର ଅଂଶ ବିଶେଷକୁ ଜବତ କରି ଶ୍ରୀଜଗନ୍ନାଥ ମେଡିକାଲ କଲେଜର ଏଫଏମଡି ଡିପାର୍ଟମେଣ୍ଟକୁ ପଠାଯାଇଛି । ରିପୋର୍ଟ ଆଧାରରେ ତଦନ୍ତ କରାଯିବ।
ମୃତଦେହଟି କାହାର ତାହା ଜଣାପଡିନାହିଁ । ମୃତ ଦେହର ପରିଚୟ ଖୋଜିବା ପୁରୀ ପୋଲିସ ପାଇଁ ଏହା ଏକ ବଡ଼ ଚାଲେଞ୍ଜ ହୋଇଛି । ଗତ ୧୪ ତାରିଖରେ ବେଳଭୂମିରୁ ବାଲେଶ୍ୱର ଜିଲ୍ଲା ସୋର ଅଞ୍ଚଳର ଜଣେ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର ହୋଇଥିଲା । ହେଲେ ଆଜି ମିଳିଥିବା ଦେହାବଶଷର ପରିଚୟ ମିଳିନାହିଁ ।
