ଭୁବନେଶ୍ୱର: ଭୁବନେଶ୍ୱର ଅଞ୍ଚଳରେ ୫ ଶହରୁ ଅଧିକ ହୋଟେଲ୍ ଏବଂ ରେଷ୍ଟୁରାଣ୍ଟ ରହିଛି। ଏଥିରେ ୧୦ ହଜାରରୁ ଅଧିକ କର୍ମଚାରୀ ନିଯୁକ୍ତି ପାଇଛନ୍ତି। ଏବଂ ୧୦ ହଜାର ପରିବାର ଏହି ଶିଳ୍ପ ଉପରେ ପ୍ରତ୍ୟକ୍ଷ ଓ ପରୋକ୍ଷ ଭାବେ ନିର୍ଭରଶୀଳ। ଏହି ୧୦ ହଜାର ପରିବାରର ଲୋକମାନେ ଘୋର ଦୁର୍ଦ୍ଦିନରେ ଦିନ କାଟୁଛନ୍ତି। ୧୦ ହଜାର କର୍ମଚାରୀଙ୍କ ମଧ୍ୟରୁ ପାଖାପାଖି ୬ହଜାର କର୍ମଚାରୀ ଖାଦ୍ୟ ଏବଂ ପାନୀୟ ବ୍ୟବସାୟ କ୍ଷେତ୍ରରେ ପ୍ରତ୍ୟକ୍ଷ ଭାବରେ ସମ୍ପୃକ୍ତ। ଏମାନଙ୍କର ମାସିକ ଦରମା ୮ ହଜାରରୁ ୧୧ ହଜାର ଭିତରେ। କର୍ମଚାରୀ ମାନଙ୍କ ଦୁର୍ଦ୍ଦିନ ଯୋଗୁଁ ହୋଟେଲ୍ ଶିଳ୍ପର ରାଜସ୍ୱ ୩୦ ରୁ ୫୦ ପ୍ରତିଶତ କମିଛି। ଅଳ୍ପ ସଂଖ୍ୟକ କର୍ମଚାରୀରେ ହୋଟେଲ ଗୁଡ଼ିକୁ ଚଲାଇବା ପାଇଁ ଅଣନିଶ୍ୱାସୀ ହୋଇ କାମ କରିବାକୁ ପଡୁଛି। ତେଣୁ କୋଭିଡ ଭଳି ସ୍ଥିତିରେ ସରକାର ୫୦ ପ୍ରତିଶତ ଡାଇନିଂରେ ହୋଟେଲ ଓ ରେଷ୍ଟୁରାଣ୍ଟ ଚଳାଇବାକୁ ନିର୍ଦ୍ଦେଶ ଦିଅନ୍ତୁ ବୋଲି ଦାବି କରିଛନ୍ତି ହୋଟେଲ ମାଲିକ।
