ଆମେରିକାକୁ ହରାଇ ସ୍ପେନର ରେକର୍ଡ ଭାଙ୍ଗିଲା ପାକିସ୍ତାନ

ଭୁବନେଶ୍ୱର: କଳିଙ୍ଗରେ ଲେଖା ହେଉଛି ବିଶ୍ୱ ରେକର୍ଡ । ପୁରୁଷ ହକି ଜୁନିଅର ବିଶ୍ୱକପ୍ ଇତିହାସରେ ଆମେରିକା ବିପକ୍ଷରେ ସର୍ବାଧିକ ଗୋଲ୍ ଦେଇଛି ପାକିସ୍ତାନ । ପୂର୍ବରୁ ଆମେରିକା ବିପକ୍ଷରେ ୧୭-୦ ଗୋଲରେ ସ୍ପେନ୍ ବିଜୟୀ ହୋଇ ରେକର୍ଡ କରିଥିଲା । ଏବେ ସେହି କଳିଙ୍ଗ ଷ୍ଟାଡିୟମ ଗ୍ରାଉଣ୍ଡରେ ଇତିହାସ ରଚିଛି ପାକିସ୍ତାନ ଦଳ । ୧୮-୨ ଗୋଲରେ ଆମେରିକାକୁ ପାକିସ୍ତାନ ପରାସ୍ତ କରିବା ସହ ବିଶାଳ ବିଜୟ ହାସଲ କରି ବିଶ୍ୱକପ୍ ଇତିହାସରେ ନୂଆ ରେକର୍ଡ କରିଛି ।

Pakistan created a World Cup Record along with a thumping win over @USAFieldHockey by scoring 18 goals against 2 by USA.

FT: PAK ?? 18-2 ??USA #JWC2021 #RisingStars #IndiaKaGame #OdishaForHockey pic.twitter.com/vk32Mx3M0G

— Odisha Sports (@sports_odisha) November 30, 2021

ପାକିସ୍ତାନ ପକ୍ଷରୁ ଅବ୍ଦୁଲ ରାଣା ସର୍ବାଧିକ ୪ଟି ଗୋଲ୍ ସ୍କୋର କରିଥିବା ବେଳେ ଅବୁଜାର ୩ଟି, ଅଲୀ ରିଜୱାନ ୨ଟି ଗୋଲ୍ କରିଥିଲେ । ମ୍ୟାଚର ପ୍ରଥମ କ୍ୱାର୍ଟରୁରୁ ଆକ୍ରମଣାତ୍ମକ ଖେଳ ଖେଳିଥିଲା ପାକିସ୍ତାନ । ମ୍ୟାଚର ପ୍ରଥମ କ୍ୱାର୍ଟରରେ ପାକିସ୍ତାନ ଗୋଟିଏ ଗୋଲ୍ କରିଥିଲା । ଦ୍ୱିତୀୟ କ୍ୱାର୍ଟରରେ ୬ଟି ଗୋଲ୍, ତୃତୀୟ କ୍ୱାର୍ଟରରେ ୭ଟି ଗୋଲ୍ ଓ ପଞ୍ଚମ କ୍ୱାର୍ଟରରେ ୪ଟି ଗୋଲ୍ କରିଥିଲା । ଅନ୍ୟପଟେ ଆରମ୍ଭରୁ ଚାପରେ ଥିବା ଆମେରିକା ମାତ୍ର ୨ଟି ଗୋଲ୍ କରିବାରେ ସକ୍ଷମ ହୋଇଥିଲା ।