ହୀରାକୁଦରୁ ଛଡ଼ାଯିବ ଚଳିତ ବର୍ଷର ପ୍ରଥମ ବନ୍ୟାଜଳ

ସମ୍ବଲପୁର: ଆଜି ହୀରାକୁଦ ଜଳଭଣ୍ଡାରରୁ ଛଡାଯିବ ଚଳିତ ବର୍ଷର ପ୍ରଥମ ବନ୍ୟାଜଳ। ଦିନ ୧୧ଟାରେ ପାରମ୍ପରିକ ପୂଜାର୍ଚ୍ଚନା ପରେ ଯେକୌଣସି ସମୟରେ ବନ୍ୟାଜଳ ଛଡିଯିବ ବୋଲି ଜଳଭଣ୍ଡାର କର୍ତ୍ତୃପକ୍ଷ ସୂଚନା ଦେଇଛନ୍ତି । ୭ ନମ୍ବର ସ୍ଲୁଇସ ଗେଟରୁ ଛଡ଼ାଯିବ ଚଳିତ ବର୍ଷର ପ୍ରଥମ ବନ୍ୟାଜଳ । ଏହାପରେ ଆବଶ୍ୟକତା ଅନୁଯାୟୀ ଗେଟ ଖୋଲାଯିବ ବୋଲି ସୂଚନା ରହିଛି।

ତେବେ ବନ୍ୟା ପରିସ୍ଥିତି ନଥିବାରୁ କେତେ ଗେଟ ଖୋଲାଯିବ ସେନେଇ ସ୍ପଷ୍ଟ କରିନାହାନ୍ତି ଡ୍ୟାମ କର୍ତୃପକ୍ଷ। ଚଳିତ ବର୍ଷ କରୋନା କଟକଣା ଯୋଗୁଁ ଗେଟ ଖୋଲିବା ସମୟରେ କାହାରିକୁ ଛଡାଯିବ ନାହିଁ ବୋଲି ଘୋଷଣା କରିଛି ପ୍ରଶାସନ। ପ୍ରଶାସନ ପକ୍ଷରୁ ତଳିଆ ଅଞ୍ଚଳ ମାନଙ୍କରେ ମହାନଦୀ କୁଳିଆ ଲୋକମାନଙ୍କୁ ସତର୍କ ରହିବାକୁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଇଛି।