ହିଣ୍ଡେନବର୍ଗ-ଆଦାନୀ ବିବାଦ ମାମଲାରେ କଂଗ୍ରେସର ଜୋରଦାର ବିକ୍ଷୋଭ

ନନ୍ଦିଘୋଷ ବ୍ୟୁରୋ: ସିକ୍ଯୁରିଟିସ ଆଣ୍ଡ ଏକ୍ସଚେଞ୍ଜ ବୋର୍ଡ ଅଫ ଇଣ୍ଡିଆ ବା ସେବି ମୁଖ୍ଯ ମାଧବୀ ପୁରି ବୁଚଙ୍କ ଇସ୍ତଫା ଦାବିରେ ତାତିଲା କଂଗ୍ରେସ। ଦେଶବ୍ଯାପୀ ଆନ୍ଦୋଳନ କରିଛି ଦଳ। ହିଣ୍ଡେନବର୍ଗ-ଆଦାନୀ ବିବାଦ ମାମଲାରେ ଯୁଗ୍ମ ସଂସଦୀୟ କମିଟି ତଦନ୍ତ ଲାଗି ଦାବି କରିଛି କଂଗ୍ରେସ। ହାଇଦ୍ରାବାଦ ସମେତ ଦେଶର ବିଭିନ୍ନ ଭାଗରେ କଂଗ୍ରେସ କରିଛି ବିକ୍ଷୋଭ। ଦଳ ପକ୍ଷରୁ କୁହାଯାଇଛି ଦେଶରେ ଆଦାନିଙ୍କୁ ଧନୀ କରିବା ଲାଗି ସମସ୍ତ କ୍ଷେତ୍ର ପ୍ରସ୍ତୁତ ହୋଇଛି। ଜଣେ ବ୍ଯକ୍ତିଙ୍କ ଲାଗି ଇଡି, ସିବିଆଇ, ଆୟକର ବିଭାଗକୁ ବ୍ଯବହାର କରାଯାଇଛି। ସେବି ଅଧ୍ଯକ୍ଷ ମାଧବୀ ତୁରନ୍ତ ଇସ୍ତଫା ଦେବାଗୁ ଦଳ ଦାବି କରିଛି। ମାଧବୀଙ୍କ ଇସ୍ତଫା ଏବଂ ଏକ ଜେପିସି ଗଠନ ଲାଗି ଦାବି କରିଆସୁଛନ୍ତି ଇଣ୍ଡିଆ ବ୍ଲକ ସଦସ୍ଯ।

ଓଡିଶା ପ୍ରଦେଶର କଂଗ୍ରେସର ଗଣତନ୍ତ୍ର ବଞ୍ଚାଓ, ସମ୍ବିଧାନ ବଞ୍ଚାଓ ଅଭିଯାନ। ଇଡି ଅଫିସ ସମ୍ମୁଖରେ ରାଜ୍ୟ କଂଗ୍ରେସର ଗଣ ବିକ୍ଷୋଭ। ଷ୍ଟିରିଙ୍ଗ କମିଟି ସଦସ୍ୟ ତଥା କଂଗ୍ରେସ ନେତା ମହମ୍ମଦ ମୋକିମ ନେତୃତ୍ୱରେ ଏହି ବିରୋଧ ପ୍ରଦର୍ଶନ। ରାହୁଲ ଗାନ୍ଧୀଙ୍କ ନିର୍ଦେଶ କ୍ରମରେ ଆଜି ସାରା ଭାରତବର୍ଷରେ ସମସ୍ତ ଇଡି ଅଫିସ ସମ୍ମୁଖରେ ପ୍ରତିବାଦ କରାଯାଉଛି। ଏହି ବିରୋଧ ପଦର୍ଶନ କାଯ୍ୟକ୍ରମରେ କଂଗ୍ରେସ ପ୍ରଭାରୀ ଅଜୟ କୁମାରଙ୍କ ସହ ଅନ୍ୟ ବରିଷ୍ଠ କଂଗ୍ରେସ ନେତା ମଧ୍ୟ ସାମିଲ ହୋଇଛନ୍ତି।