ହାଇକୋର୍ଟରେ ଆକାଶ ପାଠକଙ୍କ ଜାମିନ ଶୁଣାଣି, କେସ୍‌ ଡାଏରୀ ଦାଖଲ ପାଇଁ ଭିଜିଲାନ୍‌ସକୁ ନିର୍ଦ୍ଦେଶ

Odisha High Court Constituted 5 Members Advocate Panel For Dhinkia

ଭୁବନେଶ୍ୱର: ଆକାଶ ପାଠକ ଜାମିନ ଆବେଦନ ପ୍ରସଙ୍ଗ। କେସ ଡାଏରୀ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ। ଭିଜିଲାନ୍ସକୁ ନିର୍ଦେଶ ଦେଲେ ହାଇକୋର୍ଟ। ପରବର୍ତ୍ତୀ ଶୁଣାଣି ଆସନ୍ତା ସପ୍ତାହରେ ହେବ। ଭିଜିଲାନ୍ସ ମାମଲାରେ ଆକାଶ ଜାମିନ ଆବେଦନ କରିଥିଲେ। ନଭେମ୍ବର ୨୫ ତାରିଖରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ତତ୍କାଳୀନ ଅତିରିକ୍ତ ପିସିସିଏଫ ଅଭୟକାନ୍ତ ପାଠକଙ୍କ ବାସଭବନରେ ଚଢ଼ାଉ କରିଥିଲା। ଗତ କିଛିବର୍ଷରେ ଭିଜିଲାନ୍ସ ବିଭାଗର ଏହା ଥିଲା ସର୍ଵବୃହତ୍‌ ଚଢ଼ାଉ।

ଭିଜିଲାନ୍ସର ୧୫୦ ଅଧିକାରୀ ଓ କର୍ମଚାରୀ ଚଢ଼ାଉରେ ସାମିଲ ହୋଇଥିଲେ। ଚାରୋଟି ରାଜ୍ୟରେ ଚଢ଼ାଉ କରି ଭିଜିଲାନ୍ସ ଅଭୟକାନ୍ତ ଠୁଳ କରିଥିବା ଆୟ ବହିର୍ଭୂତ ସମ୍ପତ୍ତିର ଖୁଲାସା କରିଥିଲା। ନିଜ ରୋଜଗାରଠାରୁ ୪୩୫ ପ୍ରତିଶତ ଅଧିକ ଆୟ କରିଥିବା ଭିଜିଲାନ୍ସ ପ୍ରମାଣ ପାଇବା ପରେ ନଭେମ୍ବର ୨୭ରେ ଭିଜିଲାନ୍ସ ସେଲରେ ମାମଲା ରୁଜୁ କରି ଅଭୟକାନ୍ତଙ୍କୁ ଗିରଫ କରାଯାଇଥିଲା।

ତାଙ୍କ ପୁଅ ଆକାଶ ପାଠକଙ୍କୁ ମଧ୍ୟ ଭିଜିଲାନ୍ସ ପୁନେରୁ ଗିରଫ କରିଥିଲା। ଭିଜିଲାନ୍ସ ପକ୍ଷରୁ ୨୦ ଜଣିଆ ଏସଆଇଟି ଗଠନ କରାଯାଇ ଉଭୟ ବାପପୁଅଙ୍କୁ ରିମାଣ୍ଡରେ ଆଣି ଅନେକ ତଥ୍ୟ ଓଗାଳିଥିଲା ଭିଜିଲାନ୍‌ସ ଏସଆଇଟି। ଭୁବନେଶ୍ୱର ସ୍ୱତନ୍ତ୍ର ଭିଜିଲାନ୍‌ସ ଅଦାଲତ ଆକାଶ ପାଠକଙ୍କ ଜାମିନ ଆବେଦନ ଖାରଜ କରିବା ପରେ ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

Leave a Reply