ଦେଶରେ ଥମିନି କରୋନାର ଦ୍ୱିତୀୟ ଲହର, ‘ସେପ୍ଟେମ୍ବର ଓ ଅକ୍ଟୋବର ଗୁରୁତ୍ୱପୂର୍ଣ୍ଣ’: ସ୍ୱାସ୍ଥ୍ୟ ମନ୍ତ୍ରଣାଳୟ

ନୂଆଦିଲ୍ଲୀ: ଦେଶରେ କରୋନାର ନୂଆ ମାମଲା କମିଥିବା ବେଳେ ଚିନ୍ତା ବଢ଼ାଇଲା କେରଳ । ବିଗତ ୨୪ ଘଣ୍ଟାରେ ଚିହ୍ନଟ ସଂକ୍ରମିତ ମାମଲା ମଧ୍ୟରୁ ୫୮.୪ ପ୍ରତିଶତ ମାମଲା କେବଳ କେରଳରୁ ଆସିଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁସାରେ, ଦେଶରେ କେରଳ ହେଉଛି ଏକମାତ୍ର ରାଜ୍ୟ ଯେଉଁଠି ଏକ ଲକ୍ଷରୁ ଅଧିକ ସକ୍ରିୟ ସଂକ୍ରମିତ ରହିଛନ୍ତି । ଯେତେବେଳେ କି ମହାରାଷ୍ଟ୍ର, କର୍ଣ୍ଣାଟକ, ତାମିଲନାଡ଼ୁ ଓ ଆନ୍ଧ୍ରପ୍ରଦେଶରେ ସକ୍ରିୟ ମାମଲା ୧୦ ହଜାରରୁ ଏକ ଲକ୍ଷ ମଧ୍ୟରେ ରହିଛି । ଦେଶର ୪୧ଟି ଜିଲ୍ଲାରେ ସାପ୍ତାହିକ ସଂକ୍ରମଣ ମାମଲା ୧୦ ପ୍ରତିଶତରୁ ଅଧିକ ରହିଛି ।

Kerala has more than 1 lakh active cases. Maharashtra, Karnataka, Tamil Nadu & Andhra Pradesh have 10,000 to 1 lakh active cases. Kerala contributes to 51%, Maharastra 16% & rest of the three states contribute to 4-5% of the cases in the country: Union Health Secy Rajesh Bhushan pic.twitter.com/Win7HludCb

— ANI (@ANI) August 26, 2021

ଦେଶରେ କୋଭିଡ୍ ଦ୍ୱିତୀୟ ଲହର ଏବେ ବି ଜାରି ରହିଥିବା ସ୍ୱାସ୍ଥ୍ୟ ସଚିବ ରାଜେଶ ଭୂଷଣ କହିଛନ୍ତି । ଦ୍ୱିତୀୟ ପ୍ରବାହ ନ ସରିବା ଯାଏଁ ସତର୍କ ରହିବା ସହ ନିୟମ ପାଳନ ପାଇଁ ସେ କହିଛନ୍ତି । ବିଶେଷ କରି ପ୍ରତିଟି ପର୍ବ ପରେ ସଂକ୍ରମଣ ମାମଲା ବଢ଼ୁଛି ।

ସେ ଆହୁରି କହିଛନ୍ତି, ‘ସେପ୍ଟେମ୍ବର ଓ ଅକ୍ଟୋବର ମାସ ଆମ ପାଇଁ ଗୁରୁତ୍ୱପୂର୍ଣ୍ଣ । ଏହି ସମୟରେ ଦେଶରେ ପାର୍ବଣ ଋତୁ ଚାଲିଥାଏ । ଏଥିପାଇଁ କୋଭିଡ୍ ନିୟମ ମାନି ପାର୍ବଣ ପାଳନ କରିବା ଉଚିତ୍ । ଟିକାକରଣ ପରେ ମଧ୍ୟ ମାସ୍କ, ସାମାଜିକ ଦୂରତା ରକ୍ଷା ଉପରେ ସେ ଗୁରୁତ୍ୱ ଦେଇଛନ୍ତି ।’