ଭାରତୀୟ ଦଳ ପାକିସ୍ତାନ ନଯିବା ପ୍ରସଙ୍ଗକୁ ନେଇ ଏମିତି କହିଲେ ପାକିସ୍ତାନୀ ବୋଲର ହାସନ ଅଲ୍ଲୀ
1 min read![](https://nandighoshatv.com/wp-content/uploads/2024/07/hasan-ali-1024x576.jpg)
ନନ୍ଦିଘୋଷ ବ୍ୟୁରୋ: ଚାମ୍ପିୟନ୍ସ ଟ୍ରଫି ୨୦୨୫ ପାକିସ୍ତାନରେ ଅନୁଷ୍ଠିତ ହେବାକୁ ଯାଉଛି । ଟି-୨୦ ବିଶ୍ବକପ ପରେ ଆଇସିସିର ବଡ଼ ଟୁର୍ଣ୍ଣାମେଣ୍ଟ ଚାମ୍ପିୟନ୍ସ ଟ୍ରଫି ପାକିସ୍ତାନରେ ଆୟୋଜିତ ହେବାକୁ ଯାଉଛି । ତେବେ ଭାରତୀୟ ଦଳ ପାକିସ୍ତାନ ଯିବ କି ନାହିଁ ସ୍ପଷ୍ଠ ହୋଇନଥିବାବେଳେ ସରକାରଙ୍କ ଉପରେ ଏହା ନିର୍ଭର କରେ । ତେବେ ଦୀର୍ଘବର୍ଷ ଧରି ଭାରତୀୟ ଦଳ ପାକିସ୍ତାନ ଗସ୍ତରେ ଯାଇନାହିଁ । ତେବେ ଦୁଇ ଦେଶ ମଧ୍ୟରେ ମଧ୍ୟ ଦ୍ବିପାକ୍ଷିକ ସିରିଜ ଖେଳାଯାଇନାହିଁ । ତେବେ ଟିମ ଇଣ୍ଡିଆ ପାକିସ୍ତାନରେ ଅନୁଷ୍ଠିତ ହେବାକୁ ଥିବା ଚାମ୍ପିୟନ୍ସ ଟ୍ରଫି ଖେଳିବାକୁ ଯିବନାହିଁ ବୋଲି ଚର୍ଚ୍ଚା ହେଉଥିବାବେଳେ ଏହାକୁ ନେଇ ଉଭୟ ଦେଶର କିଛି ପୂର୍ବତନ କ୍ରିକେଟରଙ୍କ ମଧ୍ୟରେ ବାକଯୁଦ୍ଧ ମଧ୍ୟ ଦେଖିବାକୁ ମିଳୁଛି । କିଛିଦିନ ତଳେ ସାହିଦ ଆଫ୍ରିଦ ମଧ୍ୟ ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି । ଏବେ ଏହାକୁ ନେଇ ପାକିସ୍ତାନୀ ଦୃତ ବୋଲର ହାସନ ଅଲ୍ଲୀ କହିଛନ୍ତି କି, ଭାରତୀୟ ଦଳ ଆସିଲେ ଆସନ୍ତୁ ନହେଲେ ନାହିଁ । ରାଜନୀତିଠାରୁ ଖେଳକୁ ଦୂରରେ ରଖିବା ଉଚିତ ।
ଏକ ପାକିସ୍ତାନୀ ଗଣମାଧ୍ୟମକୁ ନିଜର ପ୍ରତିକ୍ରିୟା ଦେବା ଅବସରରେ ହାସଲ ଅଲ୍ଲୀ କହିଛନ୍ତି କି, ଭାରତର ଅଧିକାଂଶ ଖେଳାଳି ଚାହୁଁଛନ୍ତି କି, ସେମାନେ ପାକିସ୍ତାନ ଆସି ଖେଳିବା ପାଇଁ । ମାତ୍ର କାହିଁକି ଏଭଳି କରାଯାଉଛି । ତେବେ ସେମାନେ ଆସିଲେ ଆସନ୍ତୁ ନହେଲେ ଆମେ ସେମାନଙ୍କ ବିନା ଖେଳିବୁ । ସେମାନେ ଯଦି ଚାମ୍ପିୟନ୍ସ ଟ୍ରଫି ଖେଳିବେ ନାହିଁ ତାହେଲେ କ୍ରିକେଟ ଶେଷ ହେବ ନାହିଁ । ଅନ୍ୟ ଦେଶର ଖେଳାଳିମାନେ ଆସିବା ପାଇଁ ରାଜି ଅଛନ୍ତି ।