ହନୁମାନ ଚାଳିଶା ବିବାଦ: ରାଣା ଦମ୍ପତିଙ୍କୁ ମିଳିଲା ଜାମିନ୍

ମୁମ୍ବାଇ: ହନୁମାନ ଚାଳିଶା ବିବାଦରେ ରାଣା ଦମ୍ପତିଙ୍କୁ ଜାମିନ । ସାଂସଦ ନବନୀତ ରାଣା ଓ ରବି ରାଣାଙ୍କୁ ଜାମିନ ପ୍ରଦାନ କଲେ ମୁମ୍ବାଇ ସେସନ୍ସ କୋର୍ଟ । ସେସନ୍ସ କୋର୍ଟ ପକ୍ଷରୁ ନବନୀତ ଓ ସ୍ୱାମୀ ରବି ରାଣାଙ୍କୁ ସର୍ତ୍ତମୂଳକ ଜାମିନ ଦିଆଯାଇଛି । ଗଣମାଧ୍ୟମ ଆଗରେ କୌଣସି ବିବୃତ୍ତି ନରଖିବାକୁ କୋର୍ଟଙ୍କ ତାଗିଦ କରିଛନ୍ତି । ଯେଉଁ ମାମଲାରେ ଗିରଫଦାରୀ ହୋଇଥିଲା, ସେହି ମାମଲାରେ ଗିରଫ ହେଲେ ଜାମିନ ରଦ୍ଦ ହେବ । ଏହାସହ ଜାମିନ ସର୍ତ୍ତ ଉଲ୍ଲଂଘନ କଲେ ଏହାକୁ ରଦ୍ଦ କରିଦିଆଯିବ ବୋଲି କୋର୍ଟ କହିଛନ୍ତି ।

Court has granted bail to Navneet Rana&Ravi Rana. Some conditions have been imposed. They've been asked to cooperate in the investigation & interrogation. Police have also been directed to issue an advance notice of 24 hours to them: Rizwan Merchant, advocate of Navneet-Ravi Rana pic.twitter.com/K7TOqkVQBf

— ANI (@ANI) May 4, 2022

୫୦ ହଜାର ଟଙ୍କା ମୁଚଲିକାରେ ରାଣା ଦମ୍ପତିଙ୍କୁ ବେଲ୍ ପ୍ରଦାନ କରିଛନ୍ତି କୋର୍ଟ । ମହାରାଷ୍ଟ୍ରରେ ହନୁମାନ ଚାଳିଶା ବିବାଦ ଲାଗି ରହିଥିବା ବେଳେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଘର ଆଗରେ ହନୁମାନ ଚାଳିଶା ପାଠ କରିବେ ବୋଲି ଘୋଷଣା କରିଥିଲେ । ଏହାକୁ ନେଇ ରାଣା ଦମ୍ପତିଙ୍କ ବିରୋଧରେ ରାଜଦ୍ରୋହ ମାମଲା ରୁଜୁ ହୋଇଥିଲା । ଏପ୍ରିଲ ୨୩ ତାରିଖରେ ଅମରାବତୀର ସ୍ୱାଧୀନ ସାଂସଦ ନବନୀତ ରାଣା ଓ ତାଙ୍କ ସ୍ୱାମୀ ତଥା ବିଧାୟକ ରବି ରାଣାଙ୍କୁ ପୋଲିସ ଗିରଫ କରିଥିଲା ।