ପୁଣି ୪ ତାରିଖରେ ସରକାର ଓ କୃଷକ ସଂଗଠନ ମଧ୍ୟରେ ହେବ ବୈଠକ
ନୂଆ କୃଷି ଆଇନକୁ ନେଇ ଆସନ୍ତା 4 ତାରିଖରେ କେନ୍ଦ୍ର ସରକାର ଓ କୃଷକ ସଂଗଠନ ମଧ୍ୟରେ ହେବ ବୈଠକ । ଏହି ବୈଠକ ପୂର୍ବରୁ ଚାଷୀ ସଙ୍ଗଠନ ସେମାନଙ୍କ ରଣନୀତି ନେଇ ଅବଗତ କରାଇଛନ୍ତି । ଯଦି ସରକାର ଆଗାମୀ ବୈଠକରେ ଚାଷୀଙ୍କ ଦାବି ନ ମାନନ୍ତି ତେବେ ଆଗାମୀ ଦିନରେ ଆନ୍ଦୋଳନକୁ ଜୋରଦାର କରିବା ପାଇଁ ଚେତାବନୀ ଦେଇଛି କୃଷକ ସଂଗଠନ । ବୈଠକରେ ସମସ୍ୟାର ସମାଧାନ ନ ହେଲେ ଆସନ୍ତା 6 ତାରିଖରେ ଟ୍ରଲି ଯାତ୍ରା ବାହାର କରିବା ପାଇଁ ନିଷ୍ପତ୍ତି ନିଆଯାଇଛି । ଏଥି ସହ କୃଷି ଆଇନ ବିରୋଧରେ ଜନ ଜାଗୃତି ଅଭିଯାନ ଆରମ୍ଭ କରିବା ପାଇଁ ଘୋଷଣା କରିଛନ୍ତି ଚାଷୀ ସଂଗଠନ । ପୂର୍ବ ବୈଠକରେ ଦୁଇଟି ପ୍ରସ୍ତାବ ଉପରେ ସହମତି ପ୍ରକାଶ ପାଇଥିବାବେଳେ ଆଗାମୀ ବୈଠକରେ କୃଷି ଆଇନ୍ ପ୍ରତ୍ୟାହାର ଓ ଏମଏସପି ନେଇ ଆଲୋଚନା ହେବାର କାର୍ଯ୍ୟକ୍ରମ ରହିଛି ।
