ଏଣିକି କଲ୍ ଭେରିଫାଇ କରିବ ଗୁଗୁଲ

ନୂଆଦିଲ୍ଲୀ: ସର୍ଚ୍ଚ ଇଞ୍ଜିନ ‘ଗୁଗୁଲ’ ଆଣିଛି ନୂଆ ଫିଚର । କମ୍ପାନୀର ସଦ୍ୟ ଘୋଷଣା ଅନୁଯାୟୀ ‘ଗୁଗୁଲ’ ପକ୍ଷରୁ ଏକ ନୂଆ ଫିଚର ଆରମ୍ଭ କରାଯାଇଛି । ଯାହା ସହାୟତାରେ ଏଣିକି ଆପଣଙ୍କୁ କଲ୍ କରୁଥିବା ବ୍ୟକ୍ତିଙ୍କ ପରିଚୟ ଯାଞ୍ଚ କରିବ ଗୁଗୁଲର verified calls ଫିଚର । ଏହା ଦ୍ୱାରା ଆପଣଙ୍କୁ କିଏ କଲ୍ କରୁଛି ଆପଣ ତାହା ଜାଣିପାରିବେ । ପୂର୍ବରୁ ଏହା ଜାଣିବା ପାଇଁ ମୋବାଇଲ ୟୁଜର୍ସ ଟ୍ରୁକଲର ଆପ୍ ବ୍ୟବହାର କରୁଥିଲେ  ।

ତେବେ ଗ୍ରାହକ ଚାହିଁଲେ ଟ୍ରୁକଲର ବଦଳରେ ଏହି ଆପ୍ ବ୍ୟବହାର କରିପାରିବେ । ଭାରତ ସମେତ ସାରା ବିଶ୍ୱରେ ଫେକ୍ କଲ୍ ମାଧ୍ୟମରେ ଠକେଇ ହେଉଥିବା ଦେଖିବାକୁ ମିଳିଛି । ଏହି ଫିଚର ବ୍ୟବହାର ଦ୍ୱାରା ଲୋକେ ଏଭଳି କଲ୍ ସମ୍ପର୍କରେ ଅବଗତ ହୋଇପାରିବେ । ଏବଂ ଠକେଇକୁ ମଧ୍ୟ ରୋକାଯାଇପାରିବ ବୋଲି କମ୍ପାନୀ ଆଶାବାଦୀ । ଏହି ଫିଚର ଭାରତ ସମେତ ସ୍ପେନ୍, ବ୍ରାଜିଲ, ମେକ୍ସିକୋ ଏବଂ ୟୁଏସରେ ଆରମ୍ଭ କରାଯିବ  । ତେବେ ଏଯାଏଁ କେବେଳ ଟ୍ରୁକଲର ଆପ୍‌ରେ ହିଁ ଏହି ସବୁ ସୁବିଧା ରହିଛି । ତେବେ ଏହାର ବ୍ୟବହାର ପାଇଁ ସ୍ୱତନ୍ତ୍ର ଭାବେ କୌଣସି ଆପ୍ ଡାଉନଲୋଡ୍ କରିବାର ଆବଶ୍ୟକ ପଡ଼ିବନାହିଁ । ତେବେ ଗୁଗୁଲର ପାଇଲଟ ପୋଗ୍ରାମ ଅନୁଯାୟୀ ଏହି ଫିଚରର ଫଳାଫଳ ବହୁତ ଭଲ ରହିଥିବା ବେଳେ ବ୍ୟବହାରକାରୀଙ୍କୁ ଏହାର ଭଲ ଫଳ ମିଳିବ ।

ଏମିତି ଗୋଟିଏ ସମୟ ଥିଲା ଯେତେବେଳେ ଭାରତ ଆଗରେ ଗରିବ ଥିଲେ ଆମେରିକା,ବ୍ରିଟେନ୍

ଗୁଗୁଲ ପିକ୍ସଲ ମୋବାଇଲ ସମେତ ଅନ୍ୟ ଆଣ୍ଡ୍ରୋଏଡ୍ ଫୋନ୍‌ରେ ଗୁଗୁଲ ଫୋନ୍ ଆପ୍ by default ଡାଏଲର କାମ କରେ । ଏହି ସବୁ ଫୋନରେ ନୂଆ ଫିଚର ଆସନ୍ତା ଅପଡେଟ୍ ସହିତ ଉପଲବ୍ଧ ହେବ । ଯଦି ଆପଣଙ୍କ ଫୋନରେ ‘ଗୁଗୁଲ ଫୋନ୍’ ଆପ୍ ଇନ୍‌ଷ୍ଟଲ ହୋଇନାହିଁ ତେବେ ଗୁଗୁଲ ପ୍ଳେ ଷ୍ଟୋର୍‌ରୁ ମଧ୍ୟ ଏହାକୁ ଇନ୍‌ଷ୍ଟଲ କରାଯାଇପାରିବ । ତେବେ ଗୁଗୁଲର ଏହି ନୂଆ ଫିଚର ବ୍ୟବହାରୀକାରୀଙ୍କୁ ବିଜନେସ୍ କଲ୍ କରାଯାଉଥିବାର କାରଣ ମଧ୍ୟ କହିବ । ଏହି ଫିଚର ‘ଟ୍ରୁ-କଲର’ରେ ମଧ୍ୟ ଉପଲବ୍ଧ ନାହିଁ ।

          ସୂଚନା ଯୋଗ୍ୟ ପୂର୍ବରୁ ଟ୍ରୁ କଲର ଆପ୍ ଦ୍ୱାରା ୟୁଜରଙ୍କ ତଥ୍ୟ ଚୋରି କରାଯାଉଥିବା ଅଭିଯୋଗ ହେଉଥିବା ବେଳେ ଗୁଗୁଲର ଏହି ଫିଚର ଲୋକଙ୍କ ପାଇଁ ଆଶ୍ୱସ୍ତି ଆଣିବ ।