ଆଠଗଡ଼ରେ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ମାଲବାହୀ ଟ୍ରେନ୍

ଆଠଗଡ଼: ଅଳ୍ପକେ ବଡ଼ ଦୁର୍ଘଟଣାରୁ ବର୍ତ୍ତିଲା ମାଲବାହୀ ଟ୍ରେନ୍ । ସକାଳେ ଘଣ୍ଟିଖାଲ-ନିଧିପୁର ଷ୍ଟେସନ ନିକଟରେ ଏକ ମାଲବାହୀ ଟ୍ରେନ୍ ପାସ୍ କରୁଥିଲା । ହଠାତ୍ ୫ଟି ବଗି ଛିଡ଼ି ଯାଇ ଟ୍ରାକ ଉପରେ ଅଟକି ଯାଇଥିଲା । ଇଞ୍ଜିନଟି ବାକି ବଗି ଗୁଡ଼ିକୁ ଛାଡ଼ି ଆଗକୁ ପଳାଇଥିଲା । ଛିଡ଼ି ଯାଇଥିବା ୫ଟି ବଗି ପୁରୁଣା କଟକ-ସମ୍ବଲପୁର ରାସ୍ତାର ନିଧିପୁର ରେଲୱେ ଲେବଲ କ୍ରସିଂ ଉପରେ ଅଟକି ରହିଥିଲା । ଫଳରେ ଲେବୁଲ କ୍ରସିଂର ଉଭୟ ପାର୍ଶ୍ୱରେ ଶହ ଶହ ଗାଡ଼ି ଅଟକି ରହିବା ସହ ଯାତ୍ରୀ ହନ୍ତସନ୍ତ ହୋଇଥିଲେ । ମରାମତି ପରେ ଛିଡ଼ି ଯାଇଥିବା ୫ଟି ବଗିକୁ ନେଇ ଟ୍ରେନ୍ ଯାତ୍ରା କରିଥିବା ଜଣାପଡ଼ିଛି ।

ଗତବର୍ଷ ଏପ୍ରିଲ ମାସରେ ବାଲେଶ୍ୱରରେ ସମାନ ଘଟଣା ଘଟିଥିଲା । ଭଦ୍ରକ ଧାମରାରୁ-ଟାଟା ଯାଉଥିବା ଏକ ମାଲବାହୀ ଟ୍ରେନ୍ ୬ଟି ୱାଗନକୁ ଛାଡ଼ି ୨ କିଲୋମିଟର ଆଗକୁ ପଳାଇଥିଲା । ସେହିଭଳି ୨୦୧୮ ମସିହା ଏପ୍ରିଲ ପ୍ରଥମ ସପ୍ତାହରେ ଟିଟିଲାଗଡ଼ ଷ୍ଟେସନରେ ଅନୁରୁପ ଘଟଣା ଘଟିଥିଲା । ଅହମଦାବାଦ-ପୁରୀ ଏକ୍ସପ୍ରେସର ଇଞ୍ଜିନ୍ ବଦଳାଇବା ସମୟରେ ବଗି ଗୁଡ଼ିକ ବିନା ଇଞ୍ଜିନରେ ଭୁଲ୍ ଦିଗରେ ପ୍ରାୟ ୧୩ କିଲୋମିଟର ଗଡ଼ି ଯାଇଥିଲା ।

ରେଲବାଇରେ ଏଭଳି ଘଟଣା ବାରମ୍ବାର ଘଟୁଥିଲେ ମଧ୍ୟ କେହି ଚେତୁନାହାନ୍ତି । କେବେ ଏକ୍ସପ୍ରେସ ତ ଆଉ କେବେ ମାଲବାହୀ ଟ୍ରେନରୁ ଇଞ୍ଜିନ ଅଲଗା ହେଇ ଯାଉଛି । ')}