ଗଞ୍ଜେଇ ଚେକିଂ ବେଳେ ଧରାପଡ଼ିଲା ସୁନା ଚୋରା କାରବାର; ୨୦ ସୁନା ବିସ୍କୁଟ, ୧ କୋଟି ୨୨ ଲକ୍ଷ ଟଙ୍କା ଜବତ
1 min read
ବ୍ରହ୍ମପୁର: ଗଞ୍ଜେଇ ଚେକିଂ ବେଳେ ଧରାପଡ଼ିଲା ସୁନା ଚୋରା କାରବାର । ୨୦ଟି ସୁନା ବିସ୍କୁଟ, ୧ କୋଟି ୨୨ ଲକ୍ଷ ଟଙ୍କା ଜବତ କଲା ଅବକାରୀ ବିଭାଗ । ବ୍ରହ୍ମପୁର ଲାଞ୍ଜିପଲ୍ଲୀ ବାଇପାସ ନିକଟରେ ଗଞ୍ଜେଇ ଯାଞ୍ଚ ବେଳେ ଅବକାରୀ ବିଭାଗ ଏକ କାରରୁ ପରିବା ବ୍ୟାଗରେ ଥିବା ନଗଦ ୧ କୋଟି ୨୨ ଲକ୍ଷ ଟଙ୍କା ଜବତ କରିଛି । ଜବତ ଟଙ୍କା ସହ ଅଟକ ବ୍ୟକ୍ତିଙ୍କୁ ପୋଲିସକୁ ହସ୍ତାନ୍ତର କରାଯାଇଛି । ଅଟକ ବ୍ୟକ୍ତି ମହାରାଷ୍ଟ୍ରର ଭରତ ଗୋଖେ ନାୟକ ବୋଲି ସୂଚନା ମିଳିଛି ।
ଉକ୍ତ ବ୍ୟକ୍ତିକୁ ପୋଲିସ ଜେରା ବେଳେ କିଛି ସୁନା ବ୍ୟବସାୟୀଙ୍କୁ ସୁନା ବିସ୍କୁଟ ବିକ୍ରି କରି ଟଙ୍କା ନେଇ ଯାଉଥିବା ପ୍ରକାଶ କରିଥିଲା । ଭରତର କହିବା ଅନୁସାରେ ସ୍ଥାନୀୟ ସୁନା ବ୍ୟବସାୟୀଙ୍କଠାରୁ ୨୦ଟି ସୁନା ବିସ୍କୁଟ ଜବତ ହୋଇଛି । ଘଟଣାକୁ ନେଇ ପୋଲିସ ଆୟକର ଓ GST ବିଭାଗର ଯୋଗାଯୋଗରେ ଅଛନ୍ତି । ସହରର କିଛି ସୁନା ବ୍ୟବସାୟୀଙ୍କୁ ପୋଲିସ ପଚରା ଉଚରା ଜାରି ରଖଛି ।
