ନୟାପଲ୍ଲୀ ରଞ୍ଜିତା ଆତ୍ମହତ୍ୟା ଘଟଣା, ଏକ ତରଫା ଭଲ ପାଉଥିବା ଯୁବକ ସୋନୁଙ୍କ ଦାୟୀ କଲେ ରଂଜିତାଙ୍କ ମାଆ

ଭୁବନେଶ୍ୱର: ନୟାପଲ୍ଲୀ ରଞ୍ଜିତା ସାହୁ ଆତ୍ମ ହତ୍ୟା ଘଟଣା ।ନୟାପଲ୍ଲୀ ଥାନାରେ ପହଁଚିଲେ ରଞ୍ଜିତାକ ମା । ରଂଜିତାଙ୍କୁ ଏକ ତରଫା ଭଲ ପାଉଥିବା ଯୁବକ ସୋନୁ ହିଁ ରଂଜିତାଙ୍କ ଆତ୍ମହତ୍ୟାର କାରଣ ବୋଲି ସେ ଅଭିଯୋଗ କରିଛନ୍ତି। ଯିଏ ମୋ ଝିଅର ଏଭଳି ଅବସ୍ଥା କରିଛି ତାଙ୍କୁ ଫାସୀ ଦିଆଯାଉ ବୋଲି କହିଛନ୍ତି ରଂଜିତାଙ୍କ ମା ।

ଅନ୍ୟପଟେ ଏକ ତରଫା ପ୍ରେମ କରି ଯୁବକ ଜଣଙ୍କ ବାରମ୍ବାର ରଂଜିତାଙ୍କୁ ହଇରାଣ କରିବା ସହ ବାହାନହେଲେ ବଦନାମ କରିଦେବି ବୋଲି ଧମାକାଉଥିଲେ ବୋଲି ଅଭିଯୋଗ କରିଛନ୍ତି ରଂଜିତାଙ୍କ ଦାଦା ।

ସୂଚନାଯୋଗ୍ୟ, ବୁଧବାର ସନ୍ଧ୍ୟା ସମୟରେ ରାଜଧାନୀର ନୟାପଲ୍ଲୀ ଅଞ୍ଚଳରେ ଇସ୍କନ ମନ୍ଦିର ସମ୍ମୁଖ ଗଳିରେ ରଶି ଲଗାଇ ଆତ୍ମହତ୍ୟା କରିଛନ୍ତି ଯୁବତୀ। ସୂଚନା ମୁତାବକ ଯୁବତୀ ଜଣକ ଭୁବନେଶ୍ୱରର ଏକ ଘରୋଇ ସଂସ୍ଥାରେ ଚାକିରି କରୁଥିଲେ। ତେବେ ଯୁବତୀ ରହୁଥିବା ଭଡ଼ା ଘରର ମାଲିକ ଏ ନେଇ ଏକ ଚାଞ୍ଚଲ୍ୟକର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ ଯୁବତୀ ଜଣକୁ କିଛି ମାସ ହେଲା ଜଣେ ଯୁବକ ହଇରାଣ କରୁଥିଲେ। ଯୁବତୀଙ୍କୁ ତାଙ୍କ ସହ ବିବାହ କରିବାକୁ କହୁଥିଲେ।