ଗ୍ରାସୀମ କମ୍ପାନୀରେ ଗ୍ୟାସ୍ ପାଇପ୍ ଫାଟି ୪ ଆହତ

ବ୍ରହ୍ମପୁର: ଗ୍ରାସୀମ କମ୍ପାନୀରେ ଅଘଟଣ । ଗ୍ୟାସ ପାଇପ ଫାଟି ୪ ଜଣ ଆହତ ହୋଇଥିବା ବେଳେ ଜଣେ ଗୁରୁତର । ବ୍ରହ୍ମପୁର ସହର ସ୍ଥିତ ଗ୍ରାସୀମ ଇଣ୍ଡଷ୍ଟ୍ରିଜରେ ଘଟିଛି ଅଘଟ ।

ଶୁକ୍ରବାର କମ୍ପାନୀ ପକ୍ଷରୁ ବିଦ୍ୟୁତ ସରବରହ ବନ୍ଦ କରାଯାଇ ଗ୍ୟାସ ପାଇପ ଗୁଡିକ ମରାମତି କାର୍ଯ୍ୟ ଚାଲିଥିଲା । ଅସାବଧାନତା ଯୋଗୁଁ ଗ୍ୟାସ ପାଇପଟି ହଟାତ ଫାଟି ଯାଇଥିଲା । ଗଞ୍ଜାମ ତହସିଲଦାର ଓ ଥାନା ଆଇଆଇସି ନମିତା ପାତ୍ର କମ୍ପାନୀ କର୍ମକର୍ତ୍ତାଙ୍କ ସହ ଆଲୋଚନା କରିଛନ୍ତି l ଆହତ ଶ୍ରମିକଙ୍କୁ କମ୍ପାନୀର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ତାଙ୍କୁ ଘରକୁ ପଠାଇ ଦିଆଯାଇଛି ।

ଆହତମାନଙ୍କ ମଧ୍ୟରେ ଥିଲେ ରାହୁଲ ଯାଦବ, ଶଶିକାନ୍ତ ମହାରଣା, କେଶବ ସାହୁ ଓ ଲକ୍ଷ୍ମୀଧର ନାୟକ । ୪ ଜଣଙ୍କୁ ସାମାନ୍ୟ ଆହତ ଥିବା ବେଳେ ଅନ୍ୟ ଜଣଙ୍କ ଆଖି ଓ ଶରୀରରେ ଏସିଡ ଛିଟିକ ପଡ଼ିଥିବା ଜଣାପଡିଥିଲା । ସଲ୍ଫୁରିକ୍ ପ୍ଲାଣ୍ଟର ପାଇପ ଲାଇନ ଖୋଲୁଥିବା ସମୟରେ ଏହି ଦୁର୍ଘଟଣା ଘଟିଥିବା କୁହାଯାଉଛି ।