କଂଗ୍ରେସ କ୍ଷମତାକୁ ଆସିଲେ ଗ୍ରାଜୁଏଟ ପାଇବେ ମାସିକ ୩ ହଜାର ଟଙ୍କା, ମିଳିବ ମାଗଣା ବିଜୁଳି

ବେଙ୍ଗାଲୁରୁ: କଂଗ୍ରେସ କ୍ଷମତାକୁ ଆସିଲେ ଚାକିରି ପାଇ ନଥିବା ଗ୍ରାଜୁଏଟଙ୍କୁ ମିଳିବ ମାସିକ ୩ ହଜାର ଟଙ୍କା । ଲୋକଙ୍କୁ ମିଳିବ ମାଗଣା ବିଜୁଳି । ଆଜି କର୍ଣ୍ଣାଟକରେ ନିର୍ବାଚନୀ ପ୍ରଚାର କରିବାବେଳେ ଏପରି କହିଛନ୍ତି ରାହୁଲ ଗାନ୍ଧି ।

ବିଜେପିକୁ ଗାଦିଚ୍ୟୁତ କରିବାକୁ ଆହ୍ବାନ ଦେବା ସହ କ୍ଷମତାକୁ ଆସିଲେ କ’ଣ ସବୁ କରିବେ ତାହା କହିଛନ୍ତି । କର୍ଣ୍ଣାଟକରେ ଚାକିରି ପାଇ ନଥିବା ଗ୍ରାଜୁଏଟଙ୍କୁ ମିଳିବ ୨ ବର୍ଷ ଯାଏ ମିଳିବ ମାସିକ ୩ ହଜାର ଟଙ୍କା । ଡିପ୍ଲୋମାଧାରୀ ପାଇବେ ୧୫ ଶହ ଟଙ୍କା । ୨ ବର୍ଷ ଯାଏ ଦିଆଯିବ ଏହି ଭତ୍ତା । ଏହା ସହ ଲୋକଙ୍କୁ ମାଗଣା ବିଜୁଳି ଦେବାକୁ ପ୍ରତିଶ୍ରୁତି ଦେଇଛନ୍ତି ରାହୁଲ ।

ରାହୁଲ କହିଛନ୍ତି ଭାରତ ଯୋଡ଼ ଯାତ୍ରା ବେଳେ ଯୁବବର୍ଗ ମୋ ପାଖକୁ ଆସିଥିଲେ, ସେମାନେ ବେରୋଜଗାର ଥିବା କହିଥିଲେ । ତେଣୁ ତାଙ୍କୁ ଭତ୍ତା ଆକାରରେ ଏହି ଟଙ୍କା ଦେବାକୁ କହିଛନ୍ତି ରାହୁଲ । ରାହୁଲ ଆହୁରି କହିଛନ୍ତି ଯେ, ଆମେ ୫ ବର୍ଷ ଭିତରେ ୧୦ ଲକ୍ଷ ଯୁବଗୋଷ୍ଠିଙ୍କୁ ଚାକିରି ଦେବୁ । ରାଜ୍ୟରେ ଖାଲି ପଡ଼ିଥିବା ୨.୫ ଲକ୍ଷ ପଦବୀ ପୂରଣ ହେବ । ବିପିଏଲ ତାଲିକାରେ ଥିବା ମହିଳାମାନେ ମାସକୁ ୩ ହଜାର ଟଙ୍କା ଏବଂ ପରିବାର ପିଛା ୧୦ କେଜି ଚାଉଳ ପାଇବେ । ସେମାନଙ୍କୁ ୨ ହଜାର ୟୁନିଟ ଯାଏ ମାଗଣା ବିଜୁଳି ବି ମିଳିବ ।