ତଦନ୍ତରେ ଉତ୍କର୍ଷତା ପାଇଁ ଓଡ଼ିଶାର ୪ ପୋଲିସ ପାଇବେ ପଦକ
ଭୁବନେଶ୍ୱର: ଓଡ଼ିଶା ପୋଲିସ ପାଇଁ ଗର୍ବ । ତଦନ୍ତରେ ଉତକର୍ଷତା ପାଇଁ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ରାଜ୍ୟ ପୋଲିସର 4 ଜଣଙ୍କୁ ପଦକ ପ୍ରଦାନ ପାଇଁ ମନୋନୀତ କରାଯାଇଛି । ସେଥିମଧ୍ୟରୁ କୋରାପୁଟ ଜିଲ୍ଲାର ଡିଏସପି ସୁମିତ୍ରା ଜେନା ରହିଛନ୍ତି । ବାଲିମେଳା ଥାନା ଅଧିକାରୀ ଥିବା ବେଳେ 2016 ମସିହା ମେ ମାସରେ ଏକ ମହିଳାଙ୍କ ମୃତ ଦେହ ବାଲିମେଳା ପାଓ୍ବାର କେନାଲରେ ଭାସୁଥିବା ଘଟଣାର ତଦନ୍ତ କରିଥିଲେ ସୁମିତ୍ରା ଜେନା ।
କୌଣସି ପ୍ରକାର ସୁରାକ ନଥାଇ ହତ୍ୟା କରାଯିବା ପରେ ତଦନ୍ତ ଅତ୍ୟନ୍ତ କଠିନ ଥିଲା । ଏହାକୁ ଚାଲେଞ୍ଜ ଭାବେ ଗ୍ରହଣ କରି 4 ଜଣଙ୍କୁ ଗିରଫ କରିଥିଲେ । ଏହି ଘଟଣାରେ 2021 ମସିହାରେ ହତ୍ୟା ଅଭିଯୋଗରେ ଜଣଙ୍କୁ ଆଜୀବନ କାରାଦଣ୍ଡ ସହିତ 3 ଜଣଙ୍କୁ 10 ବର୍ଷ କାରାଦଣ୍ଡ ଶୁଣାଇଥିଲେ ମାଲକାନଗିରି ଦୌରା ଜଜ୍ । ଘଟଣା ତଦନ୍ତ ପୋଲିସ ପ୍ରତି ଚାଲେଞ୍ଜ ଥିବା ବେଳେ ଏଥିରେ ସଫଳତା ପାଇଁ ସୁମିତ୍ରା ଜେନା ଏହି ପଦକ ପାଇବେ । ଏଥିପାଇଁ ରାଜ୍ୟ ପୋଲିସ ଠାରୁ ଆରମ୍ଭ କରି ଜିଲ୍ଲା ପୋଲିସ ସୁମିତ୍ରାଙ୍କୁ ଶୁଭେଚ୍ଛା ଜଣାଇଛନ୍ତି ।
