ଆତ୍ମବିଶ୍ବାସ ରଖ, ପୁଣିଥରେ ଫେରିବ..ଇଶାନ ଶ୍ରେୟାସଙ୍କୁ ସମର୍ଥନ ଦେଲେ ପୂର୍ବତନ କୋଚ

ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ପୂର୍ବତନ କୋଚ ରବି ଶାସ୍ତ୍ରୀ ଇଶାନ କିଶାନ ଓ ଶ୍ରେୟାସ ଆୟାରଙ୍କ ଖରାପ ସମୟରେ ତାଙ୍କୁ ସମର୍ଥନ ଦେଇଛନ୍ତି ପୂର୍ବତନ କୋଚ  । ବିସିସିଆଇର ନିର୍ଦ୍ଦେଶ ନ ପାଲିବା କାରଣରୁ କଣ୍ଟ୍ରାକ୍ଟରୁ ବାଦ୍ ପଡିଛନ୍ତି ଦୁଇ ଖେଳାଲୀ  । ବିସିସିଆଇ ଯେଉଁ ୩୦ ଅନୁବନ୍ଧିତ ଖେଳାଳୀଙ୍କ ତାଲିକା ଜାରି କରିଛି ସେଥିରେ ଦୁଇ ଖେଳାଳୀଙ୍କ ନାଁ ସାମିଲ ନାହିଁ  । ଶ୍ରେୟସ ଗ୍ରେଡ ବିରେ ସାମିଲ ଥିବାବେଳେ ଇଶାନଙ୍କ ପାକରେ ଗ୍ରେଡ ସିର କଣ୍ଟ୍ରାକ୍ଟ ଥିଲା  ।

ବିସିସିଆଇ କଣ୍ଟ୍ରାକ୍ଟରୁ ବାଦ୍‌ ପଡିବା ପରେ ଦୁଇ ଖେଳାଳୀଙ୍କ ସମର୍ଥନରେ ବାହାରିଛନ୍ତି ପୂର୍ବତନ କୋଚ ରବି ଶାସ୍ତ୍ରୀ  । ସେ ଟ୍ବିଟ କରିଛନ୍ତି ଯେ, ‘‘ଆତ୍ମବିଶ୍ବାସ ରଖ ଶ୍ରେୟାସ ଆୟାର ଓଇଶାନ କିଶାନ  । ଚ୍ୟାଲେଞ୍ଜକୁ ସାମନା କର ଏବଂ ଦୃଢ ହୋଇ ଟିମ୍‌କୁ ଫେର  । ତୁମ ଉପଲବ୍ଧି ବହୁତ କିଛି କହୁଛି  । ତମେ ପୁଣିଥରେ ଶୀର୍ଷରେ ପହଞ୍ଚିବ ଏଥିରେ ସନ୍ଦେହ ନାହିଁ’’  ।

୨୫ ବର୍ଷୀୟ ଇଶାନ ବ୍ୟକ୍ତିଗତ କାରଣ ଦର୍ଶାଇ ଗତ ଡିସେମ୍ବରରେ ଦକ୍ଷିଣ ଆଫ୍ରିକା ଗସ୍ତରୁ ଫେରି ଆସିଥିଲେ  । କିନ୍ତୁ ରଣଜୀ ଟ୍ରଫିରେ ଝାଡଖଣ୍ଡ ପାଇଁ ଖେଳିବାକୁ ମନା କରିଥିଲେ  । ଏହା ପରିବର୍ତ୍ତେ ସେ ଆଗାମୀ ମାସରେ ହେବାକୁ ଥିବା ଆଇପିଏଲ ମ୍ୟାଚରେ ଧ୍ୟାନ କେନ୍ଦ୍ରିତ କରିବାକୁ ନିଷ୍ପତ୍ତି ନେଇଥିଲେ  ।

ଶ୍ରେୟାସ ଓ ଇଶାନଙ୍କ ଉପରେ କାର୍ଯ୍ୟାନୁଷ୍ଠାନ ନେଇ ପ୍ରଥମ ଶ୍ରେଣୀ କ୍ରିକେଟ ପରିବର୍ତ୍ତେ ଆଇପିଏଲକୁ ଅଧିକ ଗୁରୁତ୍ବ ଦେଉଥିବା ଯୁବ ଖେଳାଳୀଙ୍କୁ କଡା ଚେତାବନୀ ଦେଇଛି ବିସିସିଆଇ  ।