ଦନ୍ତାର ଦାନ୍ତ କାଟି ନେଲେ, ଘଟଣା ଲୁଚାଇବାକୁ ପୋଡି ଦେଇ ନଈରେ ଭସାଇଦେଲେ

ବାରିପଦା: ଶିମିଳିପାଳ ଅଭୟାରଣ୍ୟରେ ଦନ୍ତା ଶିକାର ଅଭିଯୋଗ। ହାତୀ ମାରିବା ପରେ ହାତୀ ଦାନ୍ତ ଚୋରି ହୋଇଥିବା ଅଭିଯୋଗ। ଶିମିଳିପାଳ ଅଭୟାରଣ୍ୟ ଜେନାବିଲ ରେଞ୍ଜର ଘଟଣା। ଗତ ୧୫ ଦିନ ପୂର୍ବେ ହାତୀ ଶିକାର ହୋଇଥିବା ସୂଚନା ମିଳିଛି । ଘଟଣା ଲୁଚାଇବାକୁ ଯାଇ ବନ କର୍ମଚାରୀ ହାତୀକୁ ପୋଡ଼ି ଶିମିଳିପାଳ ଭିତରେ ଥିବା ନଇରେ ଭସାଇ ଦେଇଥିବା ଅଭିଯୋଗ ହୋଇଛି ।

ଅଭିଯୋଗ କରି ୩ ଦିନ ପୂର୍ବେ ବକୁଆ ଗ୍ରାମବାସୀ ଜେନାବିଲ ରେଞ୍ଜ ଘେରାଉ କରିବା ପରେ ବନବିଭାଗ ଘଟଣାର ତଦନ୍ତ ଆରମ୍ଭ କରିଛି । ଘଟଣାର ପ୍ରାରମ୍ଭିକ ତଦନ୍ତ କରିବା ପରେ ଜେନାଵିଲ ଫରେଷ୍ଟରଙ୍କ ସମେତ ତିନି ବନ କର୍ମଚାରୀ ନିଳମ୍ବିତ କରାଯାଇଥିବା ସୂଚନା ଦେଇଛନ୍ତି ଆଞ୍ଚଳିକ ମୁଖ୍ୟ ବନ ସଂରକ୍ଷକ ତଥା କ୍ଷେତ୍ର ନିର୍ଦ୍ଦେଶକ ଶିମିଳିପାଳ ବ୍ୟଘ୍ର ପ୍ରକଳ୍ପ। ଘଟଣାକୁ ନେଇ ତଦନ୍ତ ଜାରି ରହିଥିବା ସେ କହିଛନ୍ତି ।