ଆସନ୍ତା ବର୍ଷରୁ ଉଡାଣ ଭରିବ ଫ୍ଲାଇଂ ଟ୍ୟାକ୍ସି, ପ୍ରସ୍ତୁତ ହେଉଛନ୍ତି ଜର୍ମାନୀ, ଆମେରିକା ଓ ଜାପାନ

ନୂଆଦିଲ୍ଲୀ: ଦୀର୍ଘ ସମୟ ଧରି ଉଡ଼ନ୍ତା କାରକୁ ନେଇ ଗବେଷଣା ଜାରି ରହିଥିଲା । କିନ୍ତୁ ତାହା କେବେ ସଫଳ ହୋଇପାରିନି । ବର୍ତ୍ତମାନ ସମୟରେ କାର ନିର୍ମାତା ଏବଂ ବିମାନ କମ୍ପାନୀ ଗୁଡ଼ିକ ଫ୍ଲାଇଂ ଟ୍ୟାକ୍ସି ଉପରେ ଫରପୁର ଟଙ୍କା ଲଗାଉଛନ୍ତି ।  Alcea Consultancyର ନିର୍ଦ୍ଦେଶିକା ନତାଶା ସାମନ୍ତାଙ୍କ ଅନୁଯାୟୀ ୩୦୦ରୁ ଅଧିକ କମ୍ପାନୀ ବ୍ୟାଟେରୀ ଚାଳିତ ଅଳ୍ପ ଦୂର ଯାଇପାରୁଥିବା ଫ୍ଲାଇଂ ଟ୍ୟାକ୍ସି ନିର୍ମାଣ କରିବାରେ ଲାଗିପଡ଼ିଛନ୍ତି । ଏହି ଟ୍ୟାକ୍ସି ଟି ସିଧାସିଧା ଉଡ଼ିବା ସହ ସେହି ଆଙ୍ଗଲରେ ତଳେ ଅବତରଣ କରିବ । ଇନଭେଷ୍ଟମେଣ୍ଟ ବ୍ୟାଙ୍କ ମୋର୍ଗନ ଷ୍ଟେନଲେଙ୍କ ଅନୁମାନ ଅନୁସାରେ, ୨୦୪୦ ମସିହା ବେଳକୁ ଫ୍ଲାଇଂ ଟ୍ୟାକ୍ସିର ମାର୍କେଟ ପାଞ୍ଚ ଲକ୍ଷ କୋଟିରୁ ଅଧିକ ହୋଇଯିବ ।

ନିୟାମକ ସଂସ୍ଥା ଏସବୁକୁ ରାସ୍ତା ସହଜ କରୁଛି । ଆମେରିକା ଫେଡେରାଲ ଏଭିଏସନ ଏଜେନ୍ସି ୩୦ କମ୍ପାନୀର ପ୍ରସ୍ତାବ ଉପରେ ଗୁରୁତ୍ୱ ପ୍ରକାଶ କରୁଛି । ଜର୍ମାନ କମ୍ପାନୀ ଲିଲିୟନ, ଜବି ଆଭିଏସନ ଏବଂ ଆର୍ଚର ସେୟାର ମାର୍କେଟରେ ଓହ୍ଲାଇବାକୁ ଯାଉଛନ୍ତି । କାର ଟ୍ୟାକ୍ସି ଏବଂ ହେଲିକପ୍ଟର ମଧ୍ୟରେ ଫ୍ଲାଇଂ ଟ୍ୟାକ୍ସି ଇଲେକଟ୍ରିକ ଚାଳିକ ମଟର ହେବ । ଏହା ଶୀଘ୍ର ବନ୍ଦ ହୋଇ ଶୀଘ୍ର ଷ୍ଟାର୍ଟ ହେବ । ଏହାର ଉଡ଼ାଣ ଏବଂ ଅବତରଣ ପାଇଁ ଛୋଟ କଂକ୍ରିଟ୍ ପ୍ଲାଟଫର୍ମ ଆବଶ୍ୟକ ପଡ଼ିବ । ଏହି ଫ୍ଲାଇଂ ଟ୍ୟାକ୍ସିରୁ ଅଧିକ ଶଦ୍ଦ ବାହାରିବ ନାହିଁ ।  ଆମେରିକା କମ୍ପାନୀ ଆର୍ଚର ୨୦୨୪ ସୁଦ୍ଧା ଲସ ଏଞ୍ଜିଲିସ ଏବଂ ମିୟାମୀ ମଧ୍ୟରେ ଫ୍ଲାଇଂ ଟ୍ୟାକ୍ସି ଚଳାଇବାର ପ୍ରସ୍ତୁତି କରୁଛି ।

ଅନ୍ୟପଟେ ଚୀନର ଡ୍ରୋନ ଟ୍ୟାକ୍ସି ଇ-ହେଙ୍ଗକୁ ଖୁବ ଶୀଘ୍ର ମଞ୍ଜୁରୀ ମିଳିବାକୁ ଯାଉଛି । କାର କମ୍ପାନୀ ଡେଲମର, ଜିଲି ଓ ଚିପ ନିର୍ମାତା ଇଣ୍ଟେଲର ପାର୍ଟନର ଜର୍ମାନ କମ୍ପାନୀ ୟୁରୋ ବେଲୋକପ୍ଟରକୁ ୨୦୨୩ ମସିହାରେ ଉଡ଼ାଣ ଭରିବାର ଆଶା ରହିଛି । ବ୍ରିଟିଶ କମ୍ପାନୀ ଭର୍ଟିକାଲ ଏୟରୋସ୍ପେସ୍, କାର ନିର୍ମାତା ହ୍ୟୁଣ୍ଡାଇ ଏବଂ ବିମାନ ନିର୍ମାତା ଏୟାରବସ ମଧ୍ୟ ଫ୍ଲାଇଂ ଟ୍ୟାକ୍ସି ଆଣିବା ପାଇଁ ଭରପୂର ପ୍ରସ୍ତୁତି କରୁଛି ।