ଉପର ମୁଣ୍ଡରେ ପ୍ରବଳ ବର୍ଷା, ଆସିପାରେ ବଡ଼ ବନ୍ୟା

ଭୁବନେଶ୍ୱର: ଲଗାଣ ବର୍ଷା ଫଳରେ ବିଭିନ୍ନ ନଦୀର ଜଳସ୍ତର ବଢ଼ିବାରେ ଲାଗିଛି । ସୃଷ୍ଟି ହୋଇଛି ବନ୍ୟା ଆଶଙ୍କା । ଉପରମୁଣ୍ଡରେ ପ୍ରବଳ ବର୍ଷା କାରଣରୁ ମହାନଦୀ ସମେତ ବିଭିନ୍ନ ଶାଖା ନଦୀରେ ଜଳସ୍ତର ବଢ଼ିବାରେ ଲାଗିଛି । ଉପରମୁଣ୍ଡରେ ପ୍ରବଳ ବର୍ଷା ହେତୁ ବଡ଼ ବନ୍ୟା ଆସିପାରେ ବୋଲି ଆକଳନ କରାଯାଉଛି । ସେପଟେ ବିପଦ ସଙ୍କେତ ଉପରେ ପ୍ରବାହିତ ହେଉଛି ବଂଶଧାରା । କାଶୀନଗରଠାରେ ବିପଦସଙ୍କେତ ୫୪.୬୦ ଥିବା ବେଳେ ୫୪.୮୬ ମିଟରରେ ପାଣି ପ୍ରବାହିତ ହେଉଛି । ଋଷିକୁଲ୍ୟା, ହରଭଙ୍ଗୀ, ନାଗାବଳୀ ନଦୀ ମଧ୍ୟ ଫୁଲିବାରେ ଲାଗିଛି ।

ସେହିପରି ମହାନଦୀ, ଋଷିକୂଲ୍ୟା, ବୈତରଣୀ, କୁଶଭଦ୍ରା, ଜଳକା ଆଦି ନଦୀରେ ବଡ଼ ବନ୍ୟା ଆସିବା ସମ୍ଭାବନା ରହିଛି । ସମ୍ଭାବ୍ୟ ବନ୍ୟା ମୁକାବିଲା ପାଇଁ ପ୍ରସ୍ତୁତ ରହିଛି ପ୍ରଶାସନ । ଆବଶ୍ୟକ ପଦକ୍ଷେପ ନେବା ସହ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ପାଇଁ ସବୁ ଜିଲ୍ଲାର ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ଏସଆରସି ।