୫ ନର୍ସିଂହୋମ ସିଲ୍, ଡାକ୍ତରଙ୍କ ସମେତ ୬୦ ଜଣଙ୍କୁ କ୍ୱାରେଣ୍ଟାଇନ୍ ନିର୍ଦ୍ଦେଶ
ଢ଼େଙ୍କାନାଳ: ଢ଼େଙ୍କାନାଳରେ ୫ ଟି ନର୍ସିଂହୋମକୁ ସିଲ କରାଯାଇଛି । ଜିଲ୍ଲା ପ୍ରଶାସନଙ୍କ ନିଷ୍ପତ୍ତି ପରେ ଏଭଳି ପଦକ୍ଷେପ ନିଆଯାଇଛି । ସ୍ଥାନୀୟ ଅଞ୍ଚଳର ଜଣେ ପ୍ରସୂତି କରୋନା ଆକ୍ରାନ୍ତ ଚିହ୍ନଟ ପରେ ପ୍ରଶାସନ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ଘଟଣା ଅନୁଯାଇ ଜଣେ ପ୍ରସୂତି ନିଜର ସ୍ୱାସ୍ଥ୍ୟ ପରୀକ୍ଷା ପାଇଁ ଏକ ଘରୋଇ ନର୍ସିଂହୋମ କୁ ଯାଇଥିଲେ । ସେଠାରେ ଉପଯୁକ୍ତ ଚିକିତ୍ସା ନ ମିଳିଥିବାରୁ ଆଉ ୪ଟି ନର୍ସିଂହୋମ ଯାଇଥିଲେ ।
ତା ସହିତ ୨ଟି ଅଲ୍ଟ୍ରାସାଉଣ୍ଡ କ୍ଲିନିକ ଓ ଗୋଟିଏ ଔଷଧ ଦୋକାନ ମଧ୍ୟ ଯାଇଥିଲେ। ତେବେ ନିଶ୍ୱାସ ପ୍ରଶ୍ୱାସରେ ବାଧା ଉପୁଜିବା ରୁ କଟକ ସ୍ଥାନାନ୍ତର ହୋଇଥିଲେ ପ୍ରସୂତୀ । ସେଠି ତାଙ୍କର କରୋନା ପଜିଟିଭି ବାହାରିବା ପରେ ୫ ଟି ନର୍ସିଂହୋମ ଗୋଟିଏ ମେଡ଼ିସିନ ଦୋକାନ ଓ ଗୋଟିଏ ଅଲ୍ଟ୍ରାସାଉଣ୍ଡ କ୍ଲିନକ୍ କୁ ସିଲ କରିଛି ଜିଲ୍ଲା ପ୍ରଶାସନ। ତେବେ କରୋନା ବ୍ୟାପିବାକୁ ଦୃଷ୍ଟିରେ ରଖି ମହିଳାଙ୍କ ସଂସ୍ପର୍ଷରେ ଆସିଥିବା ଡାକ୍ତର, ଷ୍ଟାଫ ନର୍ସଙ୍କ ସହ ୬୦ ଜଣ ଙ୍କୁ କ୍ୱାରେଣ୍ଟଟାନ୍ ରେ ରଖାଯାଇଥବା ସୂଚନା ମିଳିଛି ।
