ଷ୍ଟିଲ ସିଟିରେ ଫାଏରିଂ, ଗୁରୁତର ଯୁବକ ହସ୍ପିଟାଲରେ ଭର୍ତ୍ତି

ରାଉରକେଲା: ରେଲୱେ କଲୋନୀ ନିକଟରେ ଜଣେ ଯୁଵକକୁ ଗୁଳିମାଡ । ଗୁଳିମାଡ଼ରେ ଯୁବକ ଗୁରୁତର । ଗୁରୁତର ଆହତ ଯୁବକ ଜିତେନ୍ଦ୍ର ଓରଫ ଗୋରେ ସାହା । ଚିକିତ୍ସା ପାଇଁ ତାଙ୍କୁ ଇସ୍ପାତ ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇଛି । ଯୁବକଙ୍କ ମାଉସୀ ଲଷ୍ମୀ ସାହା ମଧ୍ୟ ଆହତ ହୋଇଥିବା ଜଣାପଡିଛି । ସେପଟେ ଗୁଳିମାଡ଼ର କାରଣ ଅସ୍ପଷ୍ଟ ଥିବା ବେଳେ ପୂର୍ଵ ଶତୃତାରୁ ଗୁଳିମାଡ ହୋଇଥିବା ଅଭିଯୋଗ ହୋଇଛି ।

ଘଟଣା ବିଷୟରେ ଖବର ପାଇବା ପରେ ପ୍ଲାଣ୍ଟ ସାଇଟ୍ ଥାନା ପୋଲିସ ଯୁବକଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ଇସ୍ପାତ ଜେନେରାଲ ହସପିଟାଲରେ ଚାପା ଉତ୍ତେଜନା ଦେଖାଦେଇଛି । ଗୋଟିଏ ପ୍ଲାଟୁନ ପୋଲିସ ଫୋର୍ସ ସହ ବରିଷ୍ଠ ପୋଲିସ ଅଧିକାରୀ ଘଟଣା ସ୍ଥଳରେ  ଉପସ୍ଥିତ ରହିଥିବା ଜଣାପଡିଛି ।