ଜାମିନରେ ଆସିଥିବା ଅଭିଯୁକ୍ତଙ୍କ ଉପରକୁ ଗୁଳି ଚଳାଇଲେ ଦୁର୍ବୃତ୍ତ

ଭୁବନେଶ୍ୱର: କଳିଙ୍ଗବିହାର ଅଞ୍ଚଳରେ ଗୁଳିକାଣ୍ଡ । ଜାମିନରେ ଆସିଥିବା ସଞ୍ଜୟ ଖୁଣ୍ଟିଆଙ୍କ ଉପରକୁ ଗୁଳି ଚଳାଇଲେ ଦୁର୍ବୃତ୍ତ । ତେବେ ଅଳ୍ପକେ ବଞ୍ଚି ଯାଇଛନ୍ତି ସଞ୍ଜୟ । କଳିଙ୍ଗ ବିହାର କେ-୪ ଲକ୍ଷ୍ମୀ ମଣ୍ଡପ ସାମ୍‌ନାରେ ଘଟିଛି ଗୁଳିକାଣ୍ଡ । ବାଇକ୍‌ରେ ଆସି ୩ ଦୁର୍ବୃତ୍ତ ୪ ରାଉଣ୍ଡ ଗୁଳି ଚଳାଇଥିଲେ । ତମାଣ୍ଡୋ ପୋଲିସ ପହଞ୍ଚି ଗୋଟିଏ ଖୋକା ଜବତ କରିବା ସହିତ ତଦନ୍ତ ଆରମ୍ଭ କରିଛି । ଏ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ତେବେ କିଏ ଓ କାହିଁକି ଗୁଳି ଚଳାଇଲେ ସେ ନେଇ ତଦନ୍ତ ଚଳାଇଛି ପୋଲିସ ।