ନ୍ୟୁଡ୍ ଫଟୋ ସୁଟ୍ କରି ଫସିଲେ ରଣବୀର; ଥାନାରେ ମାମଲା ରୁଜୁ

1 min read

ମୁମ୍ୱାଇ: ଅଡ଼ୁଆରେ ବଲିଉଡ୍‌ ଅଭିନେତା ରଣବୀର ସିଂ । ଲୋକପ୍ରିୟ ଫେସନ୍‌ ପତ୍ରିକା ପେପର୍‌ ମାଗାଜିନ୍‌ ପାଇଁ ନ୍ୟୁଡ୍‌(ନଗ୍ନ) ଫଟୋସୁଟ୍‌ କରି ଅଡ଼ୁଆରେ ଛନ୍ଦି ହୋଇପଡ଼ିଛନ୍ତି ଏହି ବଲିଉଡ୍ ଷ୍ଟାର । ତାଙ୍କ ବିରୋଧରେ ଏକ ଏଫଆଇଆର ଦାୟର ହୋଇଛି । ସୋସିଆଲ ମିଡିଆରେ ନିଜର ନଗ୍ନ ଫଟୋ ମାଧ୍ୟମରେ ମହିଳାଙ୍କ ଭାବନାକୁ ଆଘାତ ଦେଇଥିବାରୁ ରଣବୀରଙ୍କ ବିରୋଧରେ ଏଫଆଇଆର ଦାୟର ପାଇଁ ମୁମ୍ୱାଇ ପୋଲିସ। ମୁମ୍ବାଇ ଚେମ୍ବୁର ଥାନାରେ  IPC ଧାରା ୫୦୯, ୨୯୨ , ୨୯୪ ଓ ଆଇଟି ଆକ୍ଟରେ ୬୭A ରେ ମାମଲା ରୁଜୁ ହୋଇଛି । ଟ୍ୱିଟର ଓ ଇନଷ୍ଟାଗ୍ରାମରୁ ରଣବୀରଙ୍କ ସେହି ନ୍ୟୁଡ ଫଟୋ ହଟାଇବା ସହ ଏତଲାରେ ଉଲ୍ଲେଖ କରାଯାଇଛି ।

ସୂଚନା ଅନୁଯାୟୀ, ପୂର୍ବ ମୁମ୍ବାଇରେ ଅବସ୍ଥିତ ଏକ ଅଣ-ସରକାରୀ ସଂଗଠନ (ଏନଜିଓ) ର ଜଣେ କର୍ମଚାରୀ ଚେମ୍ବୁର ପୋଲିସ୍ ଷ୍ଟେସନରେ ଅଭିଯୋଗ ଆବେଦନ ଦାଖଲ କରିଛନ୍ତି। ଅଭିଯୋଗକାରୀ କହିଛନ୍ତି ଯେ ଅଭିନେତା ମହିଳାଙ୍କ ଭାବନାକୁ ଆଘାତ ଦେଇଛନ୍ତି ଏବଂ ତାଙ୍କ ଫଟୋଗ୍ରାଫ୍ ମାଧ୍ୟମରେ ସେମାନଙ୍କ ନମ୍ରତାକୁ ଅପମାନିତ କରିଛନ୍ତି। ସୂଚନା ପ୍ରଯୁକ୍ତିବିଦ୍ୟା ଅଧିନିୟମ ତଥା ଭାରତୀୟ ଦଣ୍ଡବିଧି ଆଇନର ବିଭିନ୍ନ ବିଭାଗ ଅନୁଯାୟୀ ରଣବୀରଙ୍କ ବିରୋଧରେ ମାମଲା ରୁଜୁ କରିବାକୁ ଅଭିଯୋଗକାରୀ ଦାବି କରିଛନ୍ତି ।

ଏହି ସମ୍ପର୍କରେ ପୁଲିସ ଅଧିକାରୀ କହିଛନ୍ତି ଯେ, ଏକ ଏନଜିଓ ସହ ଜଡିତ ବ୍ୟକ୍ତିଙ୍କ ଠାରୁ ଆମେ ଏକ ଏଫଆଇଆର ଆବେଦନ ଗ୍ରହଣ କରିଛୁ। କିନ୍ତୁ ଏପର୍ଯ୍ୟନ୍ତ କୌଣସି ଏଫଆଇଆର ପଞ୍ଜୀକୃତ ହୋଇନାହିଁ। ଏ ସଂକ୍ରାନ୍ତରେ ଆମେ ଅଧିକ ପଚରାଉଚରା କରୁଛୁ ।

ରଣବୀରଙ୍କୁ କ’ଣ ସଜ୍ଜା ହୋଇପାରେ?

ଓକିଲଙ୍କ କହିବାନୁସାରେ, ଆଇପିସିର ଧାରା ୨୯୨ ଅନୁଯାୟୀ ୫ବର୍ଷ ଏବଂ ଧାରା ୨୯୩ ଅନୁଯାୟୀ ୩ବର୍ଷ ଜେଲ ଦଣ୍ଡାଦେଶ ହୋଇପାରେ । ଅନ୍ୟପକ୍ଷରେ ଆଇଟି ଆକ୍ଟ ୬୭ ଏ ଅନୁଯାୟୀ ୫ବର୍ଷ ଯାଏଁ ଜେଲ ଦଣ୍ଡ ଭୋଗିବାକୁ ପଡ଼ିପାରେ । ରଣବୀର ଏକ ମ୍ୟାଗାଜିନ୍ ପାଇଁ ନ୍ୟୁଡ୍ ଫଟୋ ସୁଟ୍ କରିଥିଲେ । ସାମାଜିକ ଗଣମାଧ୍ୟମରେ ଏହି ବୋଲ୍ଡ ଫଟୋ ସୁଟ୍‌ ଫଟୋ ସେୟାର ହେବା ପରେ ଖୁବ୍ ଭାଇରାଲ ହୋଇଥିଲା । ଏବଂ ଖୁବ୍ ଟ୍ରୋଲ ମଧ୍ୟ ହୋଇଥିଲା । ଏସବୁ ଗୋଟିଏ ପ୍ରକାର ଚଳନୀୟ କିନ୍ତୁ ଏହି ଘଟଣା ଥାନା ପହଞ୍ଚିବା ରଣୀବରଙ୍କ ପାଇଁ ଅଡ଼ୁଆ ସୃଷ୍ଟି କରିଛି ।