ଭୁବନେଶ୍ୱର: ଆଜିଠୁ ପୁଣି ଚାଷୀଙ୍କ ଦିଲ୍ଲୀ ଚଲୋ ଅଭିଯାନ। ଏମଏସପି ଦାବିରେ ଦିଲ୍ଲୀ ଚଲୋ ନାରା ଦେଇଛନ୍ତି କୃଷକ ସଂଗଠନ । ପୂର୍ବରୁରେ ଗତ ୬ ତାରିଖ ଦିଲ୍ଲୀ ଚଲୋ ନାରା ଦେଇ କୃଷକ ସଂଗଠନ ଆନ୍ଦୋଳନ ଆରମ୍ଭ କରିଥିଲା। ତେବେ ଦିଲ୍ଲୀ ସୀମାନ୍ତ ଶମ୍ଭୁ ସୀମାରେ ଅଟକାଇଥିଲା ପୋଲିସ। ଆଜି ମଧ୍ୟରେ ଚାଷୀଙ୍କୁ ଆଲୋଚନା ପାଇଁ ନଡାକିଲେ ପୁଣି ଦିଲ୍ଲୀ ଅଭିମୁଖେ ଅଭିଯାନ ଆରମ୍ଭ କରିବାକୁ ଚେତାବନୀ ଦେଇଥିଲା। ମହଲତ୍ ସରିବା ପରେ ଆଲୋଚନା ପାଇଁ ଡାକିଲେ ନାହିଁ କେନ୍ଦ୍ର ସରକାର। ଏହାପରେ ପୁଣି ଆନ୍ଦୋଳନକୁ ଓହ୍ଲାଇଲେ ଚାଷୀ। ରାଜଧାନୀ ଅଭିମୁଖେ ପଦଯାତ୍ରାରେ ବାହାରିଛନ୍ତି ୧୦୧ ଚାଷୀ। MSPର ଆଇନଗତ ଗ୍ୟାରେଣ୍ଟି ସହିତ ରହିଛି ଅନ୍ୟ ଦାବି।
ସୂଚନା ଅନୁଯାୟୀ, ଦିଲ୍ଲୀ ପୋଲିସ ପକ୍ଷରୁ ସମାଗମ ରାଲି ଉପରେ ନିଷେଧାଦେଶ ଜାରି କରାଯାଇଥିଲେ ବି ନିୟମକୁ ମାନିନଥିଲେ ଚାଷୀ। ଗତ ସୋମବାର ଉତ୍ତରପ୍ରଦେଶର ଚାଷୀମାନେ ପାର୍ଲାମେଣ୍ଟ ଅଭିଯାନ କରିଥିଲେ । ତେବେ ସେମାନଙ୍କୁ ନୋଏଡାରେ ଅଟକ ରଖିଥିଲା ପୋଲିସ। ଏହି ଆନ୍ଦୋଳନକୁ ନେଇ ସୀମାରେ ଟ୍ରାଫିକ୍ ଜାମ୍ ହୋଇଥିଲା । ସଂଯୁକ୍ତ କିଷାନ ମୋର୍ଚ୍ଚା ବ୍ୟାନରରେ ଚାଷୀମାନେ ଆନ୍ଦୋଳନକୁ ଓହ୍ଲାଇଥିଲେ ଚାଷୀ। ବିଭିନ୍ନ ଶସ୍ୟରେ ଏମଏସପି ପ୍ରଦାନ କରିବା, ଋଣ ଛାଡ଼, ଚାଷୀ ଓ କୃଷି ଶ୍ରମିକଙ୍କୁ ପେନସନ, ବିଦ୍ୟୁତ ଦର ବୃଦ୍ଧି ନକରିବା, ୨୦୨୧ ଲଖିମପୁରୀ ଘଟଣାରେ ଚାଷୀଙ୍କ ଉପରେ ହୋଇଥିବା ମାମଲା ପ୍ରତ୍ୟାହାର ଆଦି ଦାବିରେ ଆନ୍ଦୋଳନ କରୁଛନ୍ତି ଚାଷୀ । ଗତ ଫେବୃୟାରୀ ୧୩ରୁ ଚାଷୀମାନେ ପଞ୍ଜାବ ଓ ହରିୟାଣା ସୀମା ଅନ୍ତର୍ଗତ ଶମ୍ଭୁ ଓ ଖାନାଉରିରେ କ୍ଯାମ୍ପ ପ୍ରତିଷ୍ଠା କରି ରହିଛନ୍ତି । ସୀମାରେ କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ ମୁତୟନ ଥିବାବେଳେ ବିଭିନ୍ନ ସ୍ଥାନରେ ବ୍ଯାରିକେଡ ଲଗାଯାଇଛି ।
