ନକଲି ଡାକ୍ତର ରମେଶ ସ୍ୱାଇଁ ଗିରଫ ମାମଲା, ରିମାଣ୍ଡରେ ଆସିବେ ଅସଲି ଓ ନକଲି ଡାକ୍ତର ଦମ୍ପତି

ଭୁବନେଶ୍ୱର: ନକଲି ଡ଼ାକ୍ତର ରମେଶ ସ୍ୱାଇଁ ଗିରଫ ମାମଲା । ରିମାଣ୍ଡରେ ଆସିବେ ଅସଲି ଓ ନକଲି ଡାକ୍ତର ଦମ୍ପତି । ରମେଶଙ୍କ ଦ୍ୱିତୀୟ ପତ୍ନୀ କମଳା ତିର୍କୀଙ୍କୁ ୫ ଦିନ ରିମାଣ୍ଡ ପାଇଁ ଆବେଦନ ହୋଇଥିବା ବେଳେ ରମେଶଙ୍କୁ ୩ ଦିନ ପାଇଁ ରିମାଣ୍ଡ ଆବେଦନ ହୋଇଛି । ଭୁବନେଶ୍ୱର ଏସଡିଜେଏମ୍ କୋର୍ଟରେ ଆବେଦନ କଲା ମହିଳା ଥାନା ପୋଲିସ । ଉଭୟ ରିମାଣ୍ଡରେ ଆସିଲେ ରମେଶର ଠକେଇ ସିଣ୍ଡିକେଟର ଗୁମର ଖୋଲିବ । ପୂର୍ବରୁ ରମେଶକୁ ୫ଟି ପଯ୍ୟାୟରେ ରିମାଣ୍ଡରେ ଆଣି ଠକେଇ ଲିଙ୍କରେ ଜେରା କରିଛି ପୋଲିସ ।

ସୂଚନା ଅନୁସାରେ ଗତ ସୋମବାର ନକଲି ଡାକ୍ତର ରମେଶ ସ୍ୱାଇଁଙ୍କ ଦ୍ୱିତୀୟ ପତ୍ନୀ କମଳା ସ୍ୱାଇଁଙ୍କୁ ଝାଡ଼ଖଣ୍ଡରୁ ଗିରଫ କରିଥିଲା ପୋଲିସ । ରମେଶଙ୍କ ଠକେଇ ମାମଲା ସାମ୍ନାକୁ ଆସିବା ପରଠାରୁ ଜାମନଗରରେ କାର୍ଯ୍ୟରତ ଥିବା କମଳା ଫେରାର ଥିଲେ । ୨୦୦୨ ମସିହାରେ କମଳା ସ୍ୱାଇଁଙ୍କୁ ଦ୍ୱିତୀୟ ବିବାହ କରିଥିଲେ ରମେଶ ସ୍ୱାଇଁ । କମଳାଙ୍କ ପରେ ଆଉ ୧୭ ମହିଳାଙ୍କୁ ବିବାହ କରିଥିଲେ ରମେଶ । ଏଥିରେ ରମେଶଙ୍କୁ ଭରପୁର ସାହାଯ୍ୟ, ସହଯୋଗ ଯୋଗାଇ ଆସୁଥିଲେ କମଳା ।