ଭୋ ଭୋ ହୋଇ କାନ୍ଦୁଛନ୍ତି ନକଲି ଡାକ୍ତର ରମେଶ ସ୍ୱାଇଁ: ଭାଇରାଲ୍ ହେଉଛି ଭିଡିଓ

ଭୁବନେଶ୍ୱର: ଅପରେସନ ପିଙ୍କ୍ ଡାକ୍ତର । ସାମ୍ନାକୁ ଆସିଲା ରମେଶ ସ୍ୱାଇଁଙ୍କ କାନ୍ଦ ଭିଡିଓ । ଠକେଇ ଶିକାର ହୋଇଥିବା ମହିଳାଙ୍କ ମନରେ ବିଶ୍ୱାସ ଜନ୍ମାଇବା ପାଇଁ କରୁଥିଲା ଅସୁସ୍ଥ ନାଟକ । ରିମାଣ୍ଡରେ ଭୂଆଁ ବୁଲାଥିବା ବେଳେ ମିଛ ଧରିବାକୁ ପଲିଗ୍ରାଫ ଟେଷ୍ଟ ପାଇଁ କୋର୍ଟରେ ଆବେଦନ କରିଛି ପୋଲିସ । ସେପଟେ ରମେଶର ଆଜି ସରିଛି ତୃତୀୟ ପର୍ଯ୍ୟାୟର ୫ ଦିନିଆ ରିମାଣ୍ଡ ଅବଧି । ରିମାଣ୍ଡ ସିରଲା ପରେ କୋର୍ଟରେ ହାଜର କରି ଜେଲ୍ ପଠାଇଛି ପୋଲିସ । କାନ୍ଦି କାନ୍ଦି କାହିଁକି ତିଆରି କରୁଥିଲା ଭିଡିଓ ? ଆସନ୍ତୁ ଦେଖିବା ରମେଶର ରାଜ୍ ।

ଡାକ୍ତର, ଧୋକ୍କା ଓ ଡ୍ରାମା । ନକଲି ଡାକ୍ତରର ନକଲି ଲୁହ । ବିଶ୍ୱାସ ଜନ୍ମାଇବାକୁ ଇମୋସନାଲ ବ୍ଳାକ୍‌ମେଲିଂ । ସୋସିଆଲ ମିଡିଆରେ ଭାଇରାଲ ହେଲା ପିଙ୍କ ଡାକ୍ତରର ଫଣ୍ଡା । ଭିଡିଓକୁ ଯିଏ ଦେଖିବ ସେ ବି ଭାବିବ ରମେଶଙ୍କ କ’ଣ ହୋଇଛି । ହେଲେ ଲୁହ ପଛର ସତ ଅତି ସାଂଘାତିକ । ଏ ଲୁହ ମିଛି ମିଛିକା । ପିଙ୍କ ଡାକ୍ତର ମ୍ୟାରେଜ ଫ୍ରଡର ପ୍ଳାନ ଜାଣି ଧୋକ୍କା ଖାଇଥିବା ପତ୍ନୀମାନେ ସନ୍ଦେହ କଲେ ସେମାନଙ୍କ ମନରେ ବିଶ୍ୱାସ ଜନ୍ମାଇବା ପାଇଁ କରୁଥିଲା ଅସୁସ୍ଥ ନାଟକ । ସମ୍ପୃକ୍ତ ମହିଳାମାନଙ୍କୁ ରମେଶ କହୁଥିଲେ, ତମକୁ କେତେ ଭଲ ପାଏ, କେବ କ’ଣ ଧୋକ୍କା ଦେଇ ପାରିବି ? ଭଲ ପାଇବା ଓ ସିନ୍ଦୁର ମୂଲ୍ୟ କ’ଣ ସନ୍ଦେହ ? ତୁମକ ଛାଡ଼ି ରହିପାରିବିନି । କେବ କ’ଣ କୁଆାଡ଼େ ଯାଇ ପାରିବି ? ଏପରି କହି କାନ୍ଦି କାନ୍ଦି ଭିଡିଓ ସୁଟ କରି ପଠାଉଥିଲା । ଏପରିକି କିଛି ମହିଳାଙ୍କୁ ଅସୁସ୍ଥ ଥିବା କହି ହାତରେ ସାଲାଇନ ବେଡ ରେଷ୍ଟ ନେଉଥିବା ଫଟୋ ବି ପଠାଉଥିଲା । ଏଭଳି ଜଣ ଜଣ କରି ୧୮ ଜଣ ମହିଳାଙ୍କୁ ରମେଶ ପଠାଇଥିଲେ କାନ୍ଦ ଭିଡିଓ । କେବଳ ମହିଳା ନୁହେଁ ଠକେଇ ଶିକାର ହୋଇଥିବା ସଭିଙ୍କୁ ଏଭଳି ଫଟୋ ଓ ଭିଡିଓ ପଠାଇ ବିଶ୍ୱାସ ଜନ୍ମାଉଥିଲାେ । ଏପରିକି ଓଡ଼ିଶାରେ ଥିବା ନେଇ ରଥଯାତ୍ରା ସହ ଭିଡିଓ ବି ଭାଇରାଲ ହୋଇଛି । ରିମାଣ୍ଡରେ ଏସବୁର ଗୁମର ଖୋଲଛି ପୋଲିସ ।

ପିଙ୍କ ଡାକ୍ତର ହେବ ପଲିଗ୍ରାଫ ଟେଷ୍ଟ । କୋର୍ଟରେ ଆବେଦନ କଲା ପିଙ୍କ ଟିମ୍ । ରିମାଣ୍ଡରେ ଠକ କରିଛି ଅସୁସ୍ଥ ନାଟକ । ଠକେଇ ବାବାଦରେ ପୋଲିସକୁ ଦେଉଛି ଭ୍ରମିତ ତଥ୍ୟ । ପୂରା ଠକେଇ ସିଣ୍ଡିକେଟର ରମେଶ କେତେ ସତ କହୁଛନ୍ତି, କେତେ ମିଛ କହୁଛନ୍ତି ଜାଣିବା ପାଇଁ ପଲିଗ୍ରାଫ ଟେଷ୍ଟ କରିବା ପାଇଁ କୋର୍ଟରେ ଆଦେବନ କରିଛି ପୋଲିସ । କୋର୍ଟଙ୍କ ଅନୁମତି ମିଳିବା ପରେ ରସୁଲଗଡ ଫରେନସିକ ଲ୍ୟାବରେ ହେବ ପଲିଗ୍ରାଫ ଟେଷ୍ଟ । ଏ ନେଇ ୧୦୦ରୁ ଅଧିକ ପ୍ରଶ୍ନର ତାଲିକା ତିଆରି କରିଛି ପିଙ୍କ୍ ଟିମ୍ । ସେପଟେ ଠକେଇ ସିଣ୍ଡିକେଟରେ ସାମିଲ ଥିବା ରମେଶର ଦ୍ୱିତୀୟ ପତ୍ନୀ, ଭିଣୋଇ ଗଣେଶ ବେଉରା ଓ ଡ୍ରାଇଭର ପପୁଙ୍କୁ ଧରିବାରେ ବିଫଳ ହୋଇଛି ପୋଲିସ । ରମେଶଙ୍କ ଗ୍ରୁପ ମେମ୍ବରକୁ ଧରିବା ପାଇଁ ରାଜ୍ୟ ବାହରକୁ ଟିମ ଯିବ ବୋଲି ଡିସିପି କହିଛନ୍ତି ।

ରାଜ୍ୟ ତଥା ରାଜ୍ୟ ବାହାରେ ଶତାଧିକ ଲୋକଙ୍କୁ ଚୂନ ଲଗାଇଛି ନକଲି ଡାକ୍ତର । ଓଡିଶାରେ ୧୫ଟି ମାମଲା ରୁଜୁ ହୋଇଥିବା ବେଳେ ୨୦୦୬ରୁ ଏବେସୁଦ୍ଧା ୬ କୋଟି ଟଙ୍କା ଠକେଇ କରିଥିବା ପୋଲିସ ଜାଣିବାକୁ ପାଇଛି । ଠକର ୧୦ରୁ ଅଧିକ ଆକାଉଣ୍ଟ ରହିଛି । ଆର୍ଥିକ କାରାବର ନେଇ ବ୍ୟାଙ୍କ ର ଆକାଉଣ୍ଟ ଡିଟେଲ୍ସକୁ ଅପେକ୍ଷା କରିଛି ପୋଲିସ ।