ଯୁକ୍ତ ଦୁଇ ପଢି ଦେଉଥିଲେ ଡାକ୍ତର ପରିଚୟ, ପାଞ୍ଚ ମିନିଟ୍ ଦେଖିବା ପାଇଁ ନେଇଥିଲେ ୩୦୦ ଟଙ୍କା
1 min read
ବ୍ରହ୍ମପୁର: ନକଲି ଡାକ୍ତର ଗିରଫ । ଯୁକ୍ତ ଦୁଇ ପଢି ଦେଉଥିଲେ ଡାକ୍ତର ପରିଚୟ । ସାନଖେମୁଣ୍ଡି ବ୍ଲକ ଡେଙ୍ଗାଉସ୍ତା ବାବୁଲ କ୍ଲିନିକରୁ ନକଲି ଡାକ୍ତର ଶୁଭ୍ରଜିତ ପଣ୍ଡାଙ୍କୁ ଗିରଫ କରିଛି ଦିଗପହଣ୍ଡି ପୋଲିସ । ଗିରଫ ନକଲି ଡାକ୍ତର ହେଲେ ଢେଙ୍କାନାଳ ଜିଲ୍ଲା ସଣ୍ଡା ଗାଁର ଶୁଭ୍ରଜିତ ପଣ୍ଡା । ତାଙ୍କ କ୍ଲିନିକ୍ ଓ ବାସଭବନରେ ଯାଞ୍ଚ କରିଛି ପୋଲିସ ।
ଗୋଟିଏ କାର ଜବତ ହୋଇଥିବା ବେଳେ ଆଜି ଶୁଭ୍ରଜିତଙ୍କୁ କୋର୍ଟ ଚାଲାଣ କରାଯିବ । ନିଜକୁ ଦିଲ୍ଲୀ AIIMSର ଅଭିଜ୍ଞ ଡାକ୍ତର କହି ଚଲାଇଥିଲେ ଚିକିତ୍ସା ଆଉ ପାଉଥିଲେ ମୋଟା ଅଙ୍କର ଟଙ୍କା । ପୂର୍ବରୁ 2020 ମସିହାରେ WHOର ସଦସ୍ୟ କହିବାରୁ ତେଲେଙ୍ଗାନା ପୋଲିସ ଗିରଫ କରିଥିଲା । ଗୋଟିଏ ରୋଗୀକୁ ପାଞ୍ଚ ମିନିଟ୍ ଦେଖିବା ପାଇଁ 300 ଟଙ୍କା ଫିସ୍ ବି ନେଉଥିଲେ ।
ଦୁଇ ଦିନ ତଳେ ଦିଗପହଣ୍ଡି ଥାନା ଅଧିକାରୀ ଏବଂ ଏକ ଟିମ୍ ଏସପିଙ୍କ ନିର୍ଦ୍ଦେଶରେ ନିଜେ ଚିକିତ୍ସା ହେବାକୁ ଯାଇ ତାଙ୍କୁ ଗିରଫ କରି ଅଧିକ ପଚରାଉଚରା କରି ସତ ଆଦାୟ କରିଛନ୍ତି । ଘଟଣାର ତଦନ୍ତ କୁରଛି ପୋଲିସ । ଆଜି ତାଙ୍କୁ କୋର୍ଟ ଚାଲାଣ କରାଯିବ ।
