କୋଭିଡ୍ ଟିକା କମ୍ପାନୀ ସହ ଆଲୋଚନା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କହିଲେ…
1 min read
ନୂଆଦିଲ୍ଲୀ: ତିନୋଟି କୋଭିଡ ଟିକା କମ୍ପାନୀ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଜେନୋଭା ବାୟୋଫାର୍ମାଟିକ୍ସ, ବାୟୋଲୋଜିକାଲ ଲିମିଟେଡ୍ ଏବଂ ଡକ୍ଟର ରେଡ୍ଡି ଲ୍ୟାବ ସହ ଭିଡିଓ କନଫରେନ୍ସିଂରେ ମୋଦି କଥା ହୋଇଛନ୍ତି ।
ଟିକା ତିଆରି ପାଇଁ ବୈଜ୍ଞାନିକ ମାନେ କରୁଥିବା ଅହରହ ପରିଶ୍ରମକୁ ମୋଦି ପ୍ରଶଂସା କରିଛନ୍ତି । ବିଭିନ୍ନ ପର୍ଯ୍ୟାୟରେ ଏହି ଟିକା ସବୁ ପରୀକ୍ଷଣ ହେଉଥିବାରୁ ଏହା ସଫଳ ହେବ ବୋଲି ଆଶା କରାଯାଉଛି । ଟିକା ବିତରଣ ପାଇଁ ଯୋଜନା ସମ୍ପର୍କରେ ମଧ୍ୟ ମୋଦି ଆଲୋଚନା କରିଛନ୍ତି ।
ଭାରତ ସରକାରଙ୍କ ପକ୍ଷରୁ ସବୁ ପ୍ରକାର ସହାୟତା ଦେବାକୁ ମୋଦି ନିଜେ ଘୋଷଣା କରିଛନ୍ତି । ଡକ୍ଟର ରେଡ୍ଡି ଲ୍ୟାବ ଋଷିଆ ଟିକା ସ୍ପୁଟନିକ୍-ଭି ସହ ଚୁକ୍ତି କରି ପରୀକ୍ଷଣ କରୁଥିବା ବେଳେ ଜେନୋଭା ବାୟୋଫାର୍ମାଟିକ୍ସ ଏମ-ଆର.ଏନ.ଏ ଟିକାର ପରୀକ୍ଷଣ କରୁଛି । ଗତ ଶନିବାର ଅହମ୍ମଦାବାଦ, ହାଇଦ୍ରାବାଦ ଓ ପୁନେ ଗସ୍ତ କରି ଟିକା ଉତ୍ପାଦନ ପ୍ରକ୍ରିୟା ସଂପର୍କରେ ସମୀକ୍ଷା କରିଥିଲେ ମୋଦି । ପୁନେରେ ସେରମ୍ ଇନଷ୍ଟିଚ୍ୟୁଟ୍ରେ କରୋନା ଭ୍ୟାକସିନ୍ ପ୍ରସ୍ତୁତି ସଂପର୍କରେ ବୁଲି ଦେଖିଥିଲେ ।
