ଦେଶୀ ମଦର ହଟସ୍ପଟ ପାଲଟିଛି ସାଲିଆ ସାହି, ସୁଡ଼ଙ୍ଗ ଭିତରେ ଚାଲିଛି ମଦ ପ୍ରସ୍ତୁତି

ଭୁବନେଶ୍ବର: ଦେଶୀ ମଦର ହଟସ୍ପଟ ପାଲଟିଛି ସାଲିଆ ସାହି । ସୁଡ଼ଙ୍ଗ ଭିତରେ ଚାଲିଛି ମଦ ପ୍ରସ୍ତୁତି । ଆଜି ପୁଣି ଥର ସକାଳୁ ଭୁବନେଶ୍ବର ସାଲିଆ ସାହିରେ ଦେଶୀ ମଦ ଆଡ୍ଡାରେ ଚଢ଼ାଉ ହୋଇଛି । ଏହି ସମୟରେ ଜବତ ହୋଇଛି ଶହ ଶହ ଲିଟର ଦେଶୀମଦ । ରନ୍ଧା ମଦ, ପୋଚ ତିଆରି ହେଉଥିବା ଖବର ପାଇବା ପରେ ସକାଳୁ ଭୁବନେଶ୍ୱର ଅବକାରୀ ଟିମ ସାଲିଆ ସାହିରେ ରେଡ଼ କରିଥିଲା ।

ଅବକାରୀ କମିଶନର ନରସିଂହ ଭୋଳଙ୍କ ନିର୍ଦ୍ଦେଶକ୍ରମେ ଚଢାଉକୁ ବ୍ୟାପକ କରାଯାଇଥିଲା । ସାଲିଆସାହିର ପ୍ରାୟ ପ୍ରତ୍ଯେକ ଘରେ ମଦ ପ୍ରସ୍ତୁତ ହେଉଥିବା ଦେଖିବାକୁ ପାଇଥିଲା ଅବକାରୀ ଟିମ୍ । ଘର ଭିତରେ ସୁଡଙ୍ଗ କରି ତିଆରି ହେଉଥିଲା ମଦ । ଦୁଇଦିନ ତଳେ କମିଶନରେଟ ପୋଲିସ ପକ୍ଷରୁ ମଧ୍ୟ ଚଢ଼ାଉ କରାଯାଇଥିଲା । ରେଡ୍ ସମୟରେ ହଜାର ହଜାର ଲିଟର ଦେଶୀ ମଦ ଜବତ ହୋଇଥିଲା ।

ଏଠାରେ ପ୍ରଶ୍ନ ଉଠୁଛି ପୋଲିସ ଓ ଅବକାରୀ ବିଭାଗ ବାରମ୍ବାର ଚଢ଼ାଉ କରୁଥିଲେ ସୁଦ୍ଧା ଏତେ ପରିମାଣର ମଦ କିପରି ପ୍ରସ୍ତୁତ ହେଉଛି ?