‘ପିସିସି ସଭାପତି ଭାବେ ଦାୟିତ୍ୱ ନିଭାଇବା ମୋ ପାଇଁ ଗର୍ବ’

ଏଥି ସହିତ ସାମ୍ବାଦିକ ସମ୍ମିଳନୀରେ କଂଗ୍ରେସ କର୍ମୀଙ୍କୁ ଏକାଠି ହେବାକୁ ଅନୁରୋଧ କରିଛନ୍ତି ନିରଞ୍ଜନ ପଟ୍ଟନାୟକ  । କେନ୍ଦ୍ର ସରକାରଙ୍କ ଜନମାରଣା ନୀତି ବିରୋଧରେ ସ୍ୱର ଉଠାଇବା ଦରକାର  । କଂଗ୍ରେସର ବିଚାରଧାରାକୁ ମଧ୍ୟ ସାଧାରଣ ଲୋକଙ୍କ ପାଖରେ ପହଁଚାଇବାର ଆବଶ୍ୟତା ରହିଛି, ତେବେ ଯାଇଁ ଦଳ ଆଗକୁ ବଢିବ ବୋଲି କହିଛନ୍ତି ନିରଞ୍ଜନ  । ଏଥି ସହିତ ନିରଞ୍ଜନ ପ୍ରକାଶ କରିଛନ୍ତି ଯେ, ମୁଁ ଆଗରୁ ପିସିସ ସବାପତି ପଦରୁ ଅବ୍ୟାହତି ନେବାକୁ ଚାହୁଁଥିଲି  । ସାଦାରଣ ନିର୍ବାଚନ ପରେ ପରେ ପସିସି ପଦରୁ ଇସ୍ତଫା ପ୍ରଦାନ କରିଥିଲି  । କିନ୍ତୁ କେନ୍ଦ୍ରୀୟ ନେତୃତ୍ୱ ମୋହର ମାରିନଥିଲେ  । ମୋ ସ୍ୱାସ୍ଥ୍ୟ ଠିକ ନଥିବାରୁ ପୁନର୍ବାର ମୁଁ ସୋନିଆ ଗାନ୍ଧାଙ୍କୁ ଭେଟି ମୋତେ ଅବ୍ୟାହତି ଦେବାକୁ ଅନୁରୋଧ କରିଥିଲି  । ଦଳ ତାହାକୁ ବର୍ତ୍ତମାନ କାର୍ଯ୍ୟକ୍ଷମ କରିଥିବାରୁ ଆନନ୍ଦିତ ବୋଲି କହିଛନ୍ତି  ।

ପିସିସି ପଦବୀରୁ ଯାଇଛନ୍ତି କିନ୍ତୁ ଦଳ ପାଇଁ ଯେକୌଣସି ମୂହୂର୍ତ୍ତରେ ସେ ଠିଆ ହେବାକୁ କହିଛନ୍ତି   । ଶକ୍ତି ଥିବା ପର୍ଯ୍ୟନ୍ତ ଦଳ ପାଇଁ କାର୍ଯ୍ୟ କରିବି ବୋଲି କହିଛନ୍ତି ନିରଞ୍ଜନ  । ଏଥି ସହିତ ସେ କହିଛନ୍ତି ଶରତ ପଟ୍ଟନାୟକ ମୋ ଠାରୁ ବୟସରେ କମ୍  । ତାଙ୍କ ପାଖରେ ପୂର୍ବରୁ ମଧ୍ୟ ପିସିସ ସଭାପତିର ଅଭିଜ୍ଞତା ରହିଛି  । ଦଳକୁ ଆଗାମୀ ଦିନରେ ମଜଭୁତ କରିବାରେ ସେ ପ୍ରୟାସ କରିବେ ବୋଲି ମଧ୍ୟ ଆଶା ପ୍ରକଟ କରିଛନ୍ତି ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟାନାୟକ  ।