ସୋନପର: ଘରେ ଶୋଇଥିବାବେଳେ ବୃଦ୍ଧଙ୍କୁ ଟେକି ଆଣି ଦଳି ମାରିଦେଲା ଦନ୍ତା। ସୁବର୍ଣ୍ଣପୁର ଉଲୁଣ୍ଡା ରେଞ୍ଜ ପଣ୍ଡକିଟାଲ ଗାଁରେ ଅଘଟଣ। ମୃତକ ହେଲେ ୬୦ ବର୍ଷୀୟ ନାରାୟଣ ଭୋଇ। ଘରେ ଶୋଇଥିବା ବେଳେ ନାରାୟଣକୁ ହାତୀ ଆକ୍ରମଣ କରିଥିଲା। ବନ ବିଭାଗ ଓ ପୋଲିସ ଘଟଣା ସ୍ଥଳକୁ ପହଂଚି ଶବକୁ ଉଦ୍ଧାର କରିଛନ୍ତି। ନାରାୟଣ ନିଜ ଝିଅ ଘରେ ରହୁଥିଲେ। ଗତକାଲି ଶୋଇଥିଲା ବେଳେ ବିଳମ୍ବିତ ରାତିରେ ଦନ୍ତା ଆସି ଘର ଭାଙ୍ଗି ଘର ଭିତରକୁ ପଶିଥିଲା। ବୃଦ୍ଧଙ୍କୁ ଘରୁ ଟେକି ଆଣି ଦଳିଦେଇଥିଲା। ଗତ କିଛି ମାସ ହେଲା ଉଲୁଣ୍ଡା ରେଞ୍ଚ ଅଞ୍ଚଳରେ ବଣୁଆ ହାତୀ ପଲ ଉତ୍ପାତ ଚଳାଇଛନ୍ତି। ହାତୀଙ୍କୁ ଘଉଡାଇବାରେ ବନବିଭାଗ ବିଫଳ ହେଉଥିବାବେଳେ ଲୋକେ ଭୟଭିତ ଅସ୍ଥାରେ ଅଛନ୍ତି।
