ଘରେ ଶୋଇଥିବାବେଳେ ଦମ୍ପତିଙ୍କୁ ଦଳିଦେଲା ଦନ୍ତା
ବଲାଙ୍ଗୀର: ଦନ୍ତା ହାତୀ ଆକ୍ରମଣରେ ଦମ୍ପତି ମୃତ। ବଲାଙ୍ଗୀର ଜିଲ୍ଲା ଭାନପୁର ପଞ୍ଚାୟତ ଚାବ୍ରିପାଲି ଗାଁରେ ଘଟିଛି ଏ ଅଭାବନୀୟ ଘଟଣା। ରାତି ଅଧିରେ ଦମ୍ପତି ଘରେ ଶୋଇଥିବା ସମୟରେ ଦନ୍ତା ହାତୀ ଆକ୍ରମଣ କରିଥିଲା।
ଘର ନିକଟରେ ଥିବା ବିଲରେ ହାତୀ ବୁଲୁଥିବା ସମୟରେ ଶବ୍ଦ ଶୁଣି ଘର ବାହାରକୁ ବାହାରିଥିଲେ ଦମ୍ପଚି। ଏହାପରେ ହାତୀ ଉଭୟଙ୍କୁ ଗୋଡ଼ରେ ଦଳି ଦେଇଥିଲା। ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଛି। ମୃତକ ହେଲେ ନୀଳାମ୍ବର ବରିହା ଓ ଯଶୋବନ୍ତୀ ବରିହା।
ଘଟଣାସ୍ଥଳରେ ବନବିଭାଗର ଏକ ଟିମ୍ ପହଞ୍ଚି ତଦନ୍ତ ଜାରି ରଖିଛି। ମୃତକଙ୍କ ପରିବାର ଲୋକଙ୍କୁ ସରକାରୀ ସହାୟତା ଯୋଗାଇଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି।
