ହନ୍ଦୋଳ ଫରେଷ୍ଟ ରେଞ୍ଜରେ ଆତଙ୍କ ଖେଳାଇଛି ନରହନ୍ତା ଦନ୍ତା

ଅନୁଗୁଳ: ଆତଙ୍କ ଖେଳାଇଛି ନରହନ୍ତା ଦନ୍ତା । ଗତକାଲି ନରହନ୍ତା ଦନ୍ତା ଅନୁଗୁଳରେ ୪ ଜଣ ବ୍ୟକ୍ତିଙ୍କୁ ଜୀବନରୁ ମାରି ଆତଙ୍କ ଖେଳାଇ ଥିଲା । ପରେ ଅପରାହ୍ନରେ ହିନ୍ଦୋଳ ଫରେଷ୍ଟ ରେଞ୍ଜକୁ ପ୍ରବେଶ କରିଥିଲା । ଅମନା ସଞ୍ଜପଡ଼ା ଅଞ୍ଚଳରେ ଲୋକଙ୍କୁ ଦେଖି ଆକ୍ରମଣ କରିବା ସହ ଭୟଭୀତ କରିଥିଲା । ହାତୀକୁ ଘଉଡାଇବାକୁ ବନ ବିଭାଗ ଏବଂ ଗ୍ରାମବାସୀ ଚେଷ୍ଟା କରିଥିବା ବେଳେ ଆଜି ଅପରାହ୍ନରେ ସଞ୍ଜପଡ଼ା ପଞ୍ଚାୟତର ଅମାନା ଠାରେ ଥିବା ଏକ ମହିମା ମଠରେ ପସି ବହୁ ଫଳ ଗଛ ଖାଇବା ସହ ନଷ୍ଟ କରିଦେଇଛି । ଭୟରେ ଏଠାରେ ଥିବା ବାବା ଅନ୍ୟତ୍ର ପଳାଇଛନ୍ତି । ହାତୀଟି ପାଖ ପାଇକ ପୁରୁଣାକୋର୍ଟ ଗାଁ ନିକଟରେ ଏକ ନାଳ କୂଳରେ ରହିଛି । ଯାହାକୁ ନେଇ ଲୋକେ ଭୟଭୀତ ଅବସ୍ଥାରେ ଅଛନ୍ତି । ବନ ବିଭାଗ ତା ଉପରେ ସତର୍କ ନଜର ରଖିଛି ।