ଭରା ପାଣିରେ ହାତୀ ଖେଳୁଛି ଖେଳ, ଭିଡିଓ ଭାଇରାଲ୍

ହାତୀର ନିଆରା ମଜା । ଲଗାଣ ବର୍ଷାରେ ଜଳ କ୍ରୀଡ଼ା କରୁଛନ୍ତି ଗଜରାଜ । ଏହା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭାଲୁମୁଣ୍ଡା-ଆଲୁଅ ଝରଣ ପୂର୍ତ୍ତ ବିଭାଗ ରାସ୍ତାର ବଡ଼ଜୋରା ନିକଟରେ ଥିବା ଏକ ପୋଖରୀରେ । ଲଗାଣ ବର୍ଷାରେ ସମଗ୍ର ଢେଙ୍କାନାଳ ଜିଲ୍ଲା ପ୍ରଭାବିତ ହୋଇଥିବା ବେଳେ ଶନିବାର ଦିନ ସକାଳ ସମୟରେ ଆଂଶିକ ଝିପି ଝିପି ବର୍ଷା ଦେଖିବାକୁ ମିଳିଥିଲା । ଆଉ ସେହି ସମୟରେ ଏକ ହାତୀ କ୍ରୀଡା ଦେଖାଉଥିବା ନଜରକୁ ଆସିଛି । ଛୋଟ କେଇ ସେକେଣ୍ଡର ଏକ ଭିଡ଼ିଓ ଏବେ ଭାଇରାଲ୍ ହେଉଛି । ଜଳର ମଜା ବେଶ ନିଆରା, ଯାହା ହାତୀ କରୁଥିବା ଏହି ମଉଜରୁ ଅନୁମେୟ । ଢେଙ୍କାନାଳ ବନଖଣ୍ଡ ମହାବୀରୋଡ଼ ରେଞ୍ଜରେ ହାତୀ ମାନଙ୍କର ଚିଡିଆଖାନା ପାଲଟିଥିବା ଦେଖିବାକୁ ମିଳିଛି । ଜିଲ୍ଲାର ସବୁଠାରୁ ରେଡ଼ ଜୋନ୍ ଥିବା ମହାବୀରୋଡ଼ରେ ହାତୀ ମାନଙ୍କୁ ଦେଖିବା କିଛି ନୂଆ କଥା ନୁହେଁ । କିନ୍ତୁ ହାତୀର ଏଭଳି କ୍ରୀଡା ଦେଖି ସମସ୍ତେ ଗଜରାଜଙ୍କୁ ପ୍ରଶଂସା କରିବା ସହ ପ୍ରକୃତିର ସୃଷ୍ଟିକୁ ସୁନ୍ଦର କହିଛନ୍ତି । ')}